04.07.Ҳаворийлар 1-боб. Ўқидим. 4.Сўнгра уларни йиғиб, уларга буюрди: -Йерусалимдан кетиб қолманглар, лекин Мендан эшитганларинг, Отам ваъда қилганни кутиб туринглар. 5.Зеро Яҳё сувга чўмдирган эди, аммо сизлар бир неча кундан кейин Муқаддас Руҳга чўмдириласизлар. 8.Аммо Муқаддас Руҳ сизларнинг устиларингизга тушиб келганида, сизлар куч-қудрат оласизлар ва Йерусалимда, бутун Яҳудияда, Самарияда ҳамда ернинг ҳудудларигача Менинг гувоҳларим бўласизлар. 13.Улар келиб, болохонага чиқдилар. Шундай қилиб, Петьор, Ёқуб, Юҳанно ва Андер, Филип ва Томаҳ, Бартолмей ва Матто, Алфей ўғли Ёқуб, Зилот Шимон ва Ёқуб ўғли Яҳудо ўша ерда эдилар. 14.Уларнинг ҳаммалари бир неча аёллар ва Исонинг онаси Марям ҳамда Унинг укалари билан якдилликда тинимсиз ибодату илтижолар қилар эдилар.
Нима билдим? Худо ҳақида: 1)Масиҳ Муқаддас Руҳни кутинглар, деди(4). 2)Муқаддас Руҳга чўмасизлар, деди(5). 3)Муқаддас Руҳ келганда куч-қудрат оласизлар ва Йерусалимда, бутун Яҳудияда, Самарияда ҳамда ернинг ҳудудларигача гувоҳларим бўласизлар, деди(8).
Хулоса: Масиҳ Муқаддас Руҳ қуйилмагунича Йерусалимдан узоқлашманглар, деди. Биз буни Муқаддас РУҳ қудрати қуйилгунича ибодат хоналарингдан узоқлашманглар, деб қабул қилишимиз лозим. Хизмат, иш, ўқишчи? Уларни ҳам қўлдан келгунча қилиб туриш керак, асосий диққатни Худони ва Унинг қудратини излашга бериш керак. Муқаддас Руҳ қуйилганида куч-қудрат оламиз. Бу куч қудрат ҳамма жойда муваффақиятли гувоҳ бўлишимизга ёрдам беради. Шу учун агар куч-қудратда хизмат қилишни истасак, куч-қудрат қуйилгунича бир қўлимиз хизматда, бир қўлимиз ибодатда ХУдони излашда бўлиши лозим. Масиҳ вақт белгилади. Бир неча кундан сўнг, деди. Улар Муқаддас Руҳ қуйилиши ҳақида хабарни қалбларига қабул қилганларидан бир неча кундан сўнг У қуйилиши керак эди. Биз ҳам қалбимизга қабул қилганимиздан сўнг бир неча кундан кейин(йил эмас) У қуйилади. Имон билан кутишимиз керак. шогирдлар ишониб, итоат қилиб ибодатга йиғилдилар. 120дан ортиқ одам якдилликда, тинимсиз ибодат қилдилар. Биз ҳам шундай қилсак натижасини кўрамиз!!!
2қарор: 1)МУқаддас Руҳ яна қуйилиб, куч-қудратига тўлдиргунича имон билан ибодатда сўрайвераман. 2)Бу ҳақида фарзандларимга айтиб бераман.
Ибодат: Раббий, борлигингиз, Сўзингиз учун раҳмат. Дуо қилинг, бизларга ҳам яқин кунларда Муқаддас Руҳ яна бир бор қуйилсин ва бизлар куч-қудратга тўлиб, шаҳримиз, вилоятимиз, давлатимиз, ҳатто дунёнинг чеккаларигача Масиҳнинг гувоҳлари бўлайлик. Дуо қилинг, жамоат якдилликда ибодатга йиғилсин ва нарх тўласин. Ва биз буюк руҳий уйғонишни кўрайлик. Исо Масиҳ номи билан: Омин.
Англиянинг Уэлс деган жойида шахтёр имонлилар оиласида Эван Робертс деган бола туғилади. 13ёшида Масиҳга имон келтиради. У Худони яхши кўради ва бошидан Худо билан жиддий муносабатларда бўлади. Бир куни воиз хизмат йиғинида:”Муқаддас Руҳ келсаю, сен бу ерда бўлмасанг, нима бўлади?”-дейди. Бу ўсмир шу сўзни маҳкам тутади. “МУқаддас РУҳ жамоатга келганида, мен жамоатда бўлишим керак”,-дейди ва ҳамма хизматларга қатнай бошлайди. Булар якшанба кунги умумий йиғин, душанба, сешанба кечки ибодат йиғинлари, чоршанба кунги Сўз ўрганиш йиғинлари бўлади.
Баъзан жамоатга бораётганида қайиқда сузиб юрган ўртоқларини кўради. Лекин у қарорини ёдга олади ва ҳар куни жамоатга қатнайди. Уни Масиҳийликнинг ҳолати қониқтирмас эди, у кўпроқ, ажойиброқ масиҳийликни истар эди ва шу учун узоқ муддатли ибодатлар қила бошлайди. Сўнгра хизматчи бўлиш учун Библия мактабига ўқишга боради.
Бу шаҳарда бир хизматчи 4йилдан буён ибодат қилаётган бўлади: Раббий, шахтёрлар орасидан маълумотсиз хизматчини кўтаргин. У ўз халқини нажотга олиб келсин ва бор шуҳрат Сенга бўлсин. У Библия мактаби устозлари ёки талабалари орасидан бўлмасан, токи билими туфайли мақтанишига сабаб бўлмасин” Эван Робертс шаҳарда Худога чанқоқ масиҳийлар йиғинларига қатнай бошлайди. Шундай йиғинлардан бирида шу хизматчи шундай ибодат қилаётганини гувоҳлик берганида юраги ёниб кетади.
Бошқа дафъа воиз: “РАббий бизни эгдирсин”, дейди, бу жумла тилида қолади ва: “РАббий, мени эгдир”,-деб юради. Бир куни ибодат хизмати вақтида шу ибодат билан баланд овозда ибодат қилади ва МУқаддас Руҳ унга қуйилади. Бу бир неча кеча давом этади. Натижада у тинчликка тўлади ва иноятни ҳис қилади. Унинг дунёқараши ўзгаради. Одамлар жонининг нажоти орзуйи бўлиб қолади!!!
У дўстига ёзади: 1)Асабийлашмайдиган бўлдим. 2)Куни билан куйлай оламан, олдин жисмоний етишмовчилик халақит берар эди. 3)Мен жуда қаттиқ одам эдим, энди миннатдорлик билдириш мен учун осон.
Бир руҳий уйғониш йиғинига бориб, хизматлар қандай ўтказилишини кўради ва ўзи ҳам Раббийга оташин хизмат қилиш ҳақида сўз айтади. У ерда эшитувчилар ёшлар бўлади.
У ҳар нарсада РАббийга итоат қила бошлайди, ҳамма нарса итоатдан бошланишини тушунади. Бир куни жамоат йиғини пайтида ваҳий кўради. Бу ваҳийда мактабидаги ёшларни кўради ва юрагида аниқ даъват эшитади: “Бориб уларни қутқаргин”. У кўнгунича бу даъват давом этади, мураббийсига айтганида, мураббийси буни Раббийдан эканини тасдиқлайди. У қишлоғига қайтади. Ибодат йиғинига қатнаб, кейин ёшларни ибодат қилиб, хушхабарчиликка даъват қилади. У буюк баракаларга олиб келадиган 4нарсани айтди:
1)Ўтган гуноҳлари учун тўлиқ кечирим олиш. Агар ўтмишингизда муаммо бўлса тўғирланг. Ҳар бир гуноҳингизни ХУдо қаршисида сидқидилдан тан олинг.
2)ҲАётингизда шубҳали нарса борми? Бўлса, уни ҳал қилиш керак. шубҳали одатларингиз бўлса улардан халос бўлинг. Агар шунбаҳи одатларингиздан кечмасангиз қалбингизда қувонч бўлмайди. Ўзидан кечиш – Масиҳийликда муҳим нарсалардан бири.
3)Муқаддас РУҳга тўлиқ ва зудлик билан итоат қилиш. Бизни нимадир ибодат қилишга руҳлантирмайди. Бу МУқаддас Руҳ. У сиздан нимани сўраса зудлик билан бажаринг. Дунё устингиздан кулиши мумкин. Сиз эса МУқаддас Руҳ қаршисида тиз чўкинг. Биров ибодат қилаётганида “жим бўл” деманг, МУқаддас РУҳга қаршилик қилманг.
4)Масиҳни шахсан ва омма олдида тан олинг.
Хизматининг 2-ҳафтасини Эван Робертс тўхтовсиз ибодат деб атаган. Эван Робертс кўпроқ ва кучлироқ баракалар олиш учун керак бўлса эрталабгача ибодат қилиш, ёриб ўтишга чорлаган. У деган: “Биз МУқаддас РУҳ қуйилади деб ўйлашимиз керак эмас, умид қилишимиз керак эмас, биз қуйилишига ишонишимиз керак! Ҳиссиёт излашимиз, тавба қилишимиз эмас, ибодат қилишимиз керак! ибодат қилишимиз, ишонишимиз ва МУқаддас Руҳ қуйилишини исташимиз керак! Ибодатимиз шундай бўлиши керак: “Исо Масиҳ ҳақи ҳозир МУқаддас РУҳингни юборгин!”
Эван Роберст Раббийдан бутун Уэльс бўйлаб 100 000киши нажотга келишини сўраган.
Ҳар бир киши Муқаддас Руҳ қуйилишини сўраб ибодат қилишни бошлашган. Йиғинлар эрталабки 3,4ларгача борган.
Ундан интервью олган журналист, тунлари кам ухлашини билганида, чарчамаяпсизми? БУ соғлигингизга ёмон таъсир қилмайдими?-деб сўрайди. Эван Робертс эса шундай жавоб беради: “Йўқ, МУқаддас РУҳ мени қўллаб-қувватламоқда. Мен 13йилдан буён Муқаддас Руҳ келишини орзу қилганман. Ахийри У келди. Мен одамзодга имонли бўлиш Қувончини етказмоқчиман!
Бу руҳий уйғониш натижасида:
1)Бутун Уэльс хушхабарни эшитиб, 100000дан ортиқ одам нажотга келган.
2)Барлар, стадионлар бўшаб қолган, чунки одамлар жамоатга қатнаган.
3)Қамоқхоналар бўшаб қолган.
4йилдан сўнг ҳам ҳиссий, ҳам жисмоний толиқиш натижасида Эван Роберст хизматни қолдиришга мажбур бўлади. Шу билан руҳий уйғониш тўхтайди, лекин ҳосили қолади. Бир неча йил ўзига келган шафоатчилик билан хизмат қилади.
Биз учун сабоқ шу бўлиши мумкинки, Эван Робертс каби жон жаҳдимиз билан Худони излаб, бағишланиб хизмат қилайлик, фақат танага дам беришни ҳам унутмайлик. ҒАйрат билан хизмат қилсак, командада ишласак, имон, итоат, муқаддасликни сақласак, соғлом яшаб, овқатланиб, дам олсак узоқ ва маҳсулдор хизматга эга бўлишимиз мумкин!!!
Тошкент вилояти Юкори Чирчиқ тумани, Янгибозор шаҳарчасида яшовчи фуқаронинг ўлиги сарсон бўлаяпти, гўр йўқ… У 14 июнь куни юрак хуружидан вафот этган. Нега ундан танишлари, қариндошлари юз ўгирган, майит сарсон? Гап шундаки, акахон 2010 йилда оила аъзолари билан «ИЕГОВА шоҳидлари» диний ташкилотига аъзо бўлган. У ўлгач, оила аъзолари марҳумни исломий амаллар билан кўмиш мақсадида, яшаш манзилидаги диний уламоларга мурожаат қилган. Уламолар диндан чиқиб кетган муртадга жаноза намозини ўқишни истамаган. Мусулмон қабристонига кўмишга рухсат беришмади. Жасад бир муддат уй шароитида қолиб кетди. Муртадлар оиласи «ИЕГОВА шоҳидлари»нинг Чирчиқдаги валинеъматларига мурожаат қилди. Улар қандай ёрдам берарди, масалан? Йўқ, ҲАТТО ЎЛГАН МАСЛАКДОШИГА ГЎР ҲАМ ТОПИБ БЕРОЛМАДИ. Кейин марҳумнинг оила аъзолари бошқа дин вакилларига ҳам мурожаат қилишди (рус православ, корейс, протестант ва ҳ. к). Бироқ, улар ҳам марҳумни ўзларининг қабристонига дафн этишни рад қилган. Энди нима бўлади? Билмадим. Ватанда ўлиги хор бўлишдан ортиқ жазо йўқ. Муртаднинг жазоси шу. Астоғфируллоҳ, астоғфируллоҳ… Аллоҳ асрасин!😔
Депутат Феруза Жўрабековна
t.me/aslzoda21
Мақолага жавоб:
Бу мақолани ёзганга ҳам, депутатга ҳам, қўйганга ҳам қойил қолмадим. Аввало депутат масаласида, дин эркинлигига риоя қилмагани хабари чиқиб кетганидан курсисини йўқотаман деб қўрқиб юз бор узр сўрайди; мақолани ёзганга ҳам: чунки Иегова шоҳидларининг таълимоти мусурмонларникидан фарқ қилмайди, улар ҳам Исо Масиҳни пайғамбар деб билишади, улар христианлар эмас; мақолани қўйган одамга ҳам, чунки гуруҳдошлар орасида турли дин вакиллари борлигини ҳисобга олиб, мен уларга тегишли бўлмаса ҳам ўзларига олишларини ўйлаб, нафсониятига тегадиган нарсаларни қўймайман. Чунки бугун ўзи билиб-билмай гўр талашаётганларнинг жони танасидан чиққанидан жони борадиган жойини кўриб: “Яхшиси танам ахлатхонага борсину, жонимни борадиган жойини ўйлашим керак экан, қабрнинг ҳам, дўзахнинг ҳам эгаси Худо экан, одамларнинг гапи билан яшабману, бирор марта Яратганга: ХУдо Ўзингни оч, Сенга олиб борадиган йўлни кўрсат деб сидқидилдан мурожаат қилишни ўрнига, мендан кўра Худони кўпроқ излаганларни ҳукм қилиш билан машғул бўлиб юрган эканман»,- дейишлари, лекин сўнгги пушаймон ўзларига душман бўлишини биламан.
Кечагина қабрга қўйилмасликлар, ўлигига ҳеч ким кела олмасликлар беҳуда кетдими? Ҳали коронавирус енгилмай, коронавирус келтирган сабоқлар унут бўла бошлабдими? Худодан қўрқмаган, тўйганлар бунақа мақолалар ёзишади. Чунки улар Худо қаршисида ўз имонини бут қилиб, камтарликда юриш ўрнига қаерда кўпчилик бўлиб қолишса, бундан фойдаланиб, камчиликни эзмоқчи бўлади(Дунё бўйлаб 4млд христианлар, 1ярим миллиард мусурмонлар бор. Христианлар кўп жойларда мусурмонларга индашмайди, лекин мусурмонлар кўп жойда Худонинг талабларини бажарса бажармаса ўзини мусурмон ҳисоблаб бошқаларга таҳқирловчи ҳаракатлар қилади) , Лекин Худо доим ҳақиқатни изловчилар томонда, Худони изловчиларгина жаннатга киради, қабр бу жаннат эмас, қабр бу жасад қўйиладиган жой. Жонимиз қаерга боришини ўйлаш керак. Тавба қилайлик, кимга қандай ўлим, қандай қабр, қандай охират насиб қилишини Худо билади. Ҳатто ўлик хор бўлса ҳам бу жамиятнинг ёвузлигини исботлайди, ўликнинг ноҳақлигини эмас!
Бу дунёда одамлар ер талашиб, ер билан бир бирини қўрқитади. Худо эса : “Қани одамлар олдида обрўли кўмилишни танлайсанми, ёки Мени танлайсанми? -дейди. Кўряпсизларми, бундай қўрқитишлар заминида нима ётади? Одамлар олдида обрў. Сизчи? Қалбингизни имтиҳон қилинг, танлов келганида ХУдони танлаган бўлардингизми ёки одамлар олдида обрўними? Мана шу кўпларнинг Худони изламаслиги сабаби! Мана шу кўпларнинг ХУдони топмаслиги ва жаннатга кирмаслиги сабаби! ХУдо: «Мен учун ҳатто ҳаётингдан нафратланмасанг Менга лойиқ эмассан». деган. мен сизларга айтаман: одамлар олдида обрў ХУдо қаршисидаги абадий ҳаётнинг бир лаҳзасига арзимайди, абадий дўзахнинг бир лаҳзасига арзимайди.
Бизлар одамларни севишимиз, ҳурмат қилишимиз керак, лекин фикрларига қул бўлмаслигимиз керак. Одамнинг қули шайтоннинг қули. Шайтон одамлар фикрига қуллик орқали дўзахга олиб кетади. Одамларнинг фикридан қўрқмай қўя қолинг, одамлар сизни барибиб яхши дейишмайди. Чунки ҳамма ўзини яхши кўради, ўзини сиздан устун кўрсатиш учун ҳам сизни ёмонлайди, орқангиздан гапиради. шу учун одамлар фикридан озод яшаш керак. Шундай экан, бундай қўрқитишлар Худони билмайдиганларнинг юрагини олади, Худони биладиганлар эса бундай ожизликдан озод. Ўйлаб кўринг: сочингиз, тирноғингиз тушади. Қаерга кетди деб ўйлайсизми? Худди шундай жон танадан чиққач, тана эски кийимдек бўлиб қолади. Гуноҳи ювилган, имон билан яшаганлар Иброҳимнинг маскани деган имонлилар жони сақланадиган жойга бориб ҳукм кунини кутади. Гуноҳи ўзида қолганлар гуноҳкорлар жони ҳукм кунини кутадиган жойга боради. Бу зулмат ва умидсизлик жойи. Кейин ҳукм куни келади. Раббий ҳаммани ҳукм қилиб, гуноҳкорларнинг гуноҳини бўйнига қўйиб беради ва шайтон билан бирга олов кўлига ташлайди. Ҳақиқий имонлилар буни билишади ва жонлари нажоти ҳақида қайғуришади. Азизлар, ҳамма эртага Худонинг олдида жавоб беради, шу учун бошқаларни ҳукм қилгунча ўз охиратимизни ўйлаб, Худони излайлик.
20асрнинг бошида, 1900йилларда жамоатлар номаълум тилларда гапирмас эдилар. Америкада Чарльз Пархем деган одам Ҳаворийлар 2-бобидан воизлик қилиб, Муқаддас Руҳга тўлишиш ва бунинг аломати сифатида номаълум тилларда гапириш ҳақида воизлик қила бошлайди.
Сеймур деган одам унинг Библия мактабида ўқийди. Кейин Американинг Лос Анжелес деган шаҳрига хизматга боради. Бир имонлининг уйида яшаб, куни билан ибодат қилиб, Ёзув ўрганади. Сеймур унга ибодат руҳи тушганини, шу учун қийналмай соатлаб ибодат қилишини айтади. Кейин шу шаҳарда бошқа имонлининг уйида ибодат йиғини ташкиллаштиради. Бу йиғинга Худога чанқоқлар соатлаб Худога Муқаддас РУҳга чўмдиришини сўраб ибодат қиладилар.
Муқаддас РУҳ имонлиларни гуноҳлари учун бир-бирларидан кечирим сўрашга йўналтиради. Бу ибодат йиғинларида кўп гуноҳларга тавба қилишлар, ўзаро кечирим сўрашлар, кўз ёшлар бўлади. Натижада Сеймур ва бошқалар Муқаддас Руҳга чўмиб, номаълум тилларда сўзлай бошлайдилар. Одамлар кўп бўлиб, уйга сиғмай қолганида Азуза Стрит кўчасида бир жамоат биносини олишади ва ўша ерда хизмат ўта бошлайдилар.
Хизмат ҳар куни 3марта бўлади, одамлар ибодат қилишади, ҳамду-сано куйлашади, сўз эшитишади, касаллар учун ибодат қилишади ва улар шифо топадилар.
Бутун дунёдан одамлар бу йиғинларга бора бошлайдилар, Руҳга чўмиб, номаълум тилларда сўзлай бошлайдилар. Бу Ҳаворийлар китобида баён қилинишича, илк бора элликлик кунида содир бўлгани учун, бу уйғониш натижасида пайдо бўлган жамоатлар Элликлик жамоатлари деб атала бошлайдилар.
Вилям Сеймур ўз воизликларида Худонинг Уч бирлигининг учинчи Шахси – Муқаддас Руҳнинг муҳимлиги ҳақида воизлик қилган: “Ҳозирги даврда кўп сонли Худонинг одамларининг ҳаётида Худонинг кучи йўқлигининг сабаби – уларнинг Муқаддас Руҳни танимасликларидир. Улар Муқаддас Руҳни Ўз Устозлари ва Юпатувчилари сифатида қабул қилишлари лозим. Сесил Ребек”.
Азуза Стритдаги руҳий уйғонишнинг сабаблари ва ҳосиллари:
1)Ибодат. Жозеф Смел деган чўпон Англияда руҳий уйғониш бўлаётганини эшитиб, ўз кўзи билан кўргани боради. Бориб келгач ҳар кунлик шаҳар учун ибодатни уюштириб, ўзи ва бошқалар шаҳар учун ибодат қила бошлайдилар.
2)Вилям Сеймур Руҳга чўмиш ва номаълум тилларда сўзлаш ҳақида воизлик қила бошлайди.
3)Тенглик ва бирлик. Америкада бу вақтда қора танлилар ва оқ танлилар, бойлар ва камбағаллар, эркаклар ва аёллар орасида бўлиниш бўлган. Айнан жамоатда Муқаддас Руҳ қуйилганида, оқ ва қора танлилар, бой ва камбағаллар бир хонада Худони излашган, эркаклар ва аёллар ҳам Сўз билан бўлишиб хизмат қила бошлашган.
4)Элликлик йўналиши бутун дунё бўйлаб тарқалди.
5)Юз минглаб одамлар имонга келди.
Муқаддас Руҳга чўмган одамлар бутун дунё бўйлаб юриб, Хушхабар тарқата бошладилар ва жамоатлар кўтара бошладилар. Улар имон билан йўлга чиқар ва Муқаддас РУҳ кучи улар орқали намоён бўлар эди.
Нима бу руҳий уйғонишни тўхтатди?
Ички бўлиниш. Жамоат ичида бир таълимот устида баҳслар пайдо бўлган.
Сеймур бошчилигидаги 1-гуруҳ Масиҳий ҳаётида 3босқич бўлиши керак деб ҳисоблашган. Булар 1)тавба қилиш, 2)муқаддасланиш, 3)Руҳга чўмиш. Вилям Дурҳам бошчилигидаги 2-гуруҳ 2босқич бор, деб ҳисоблаган: 1)Тавба қилиш, 2)Руҳга чўмиш.
Сеймурнинг муқаддасланишни алоҳида кўрсатганига сабаб, Сеймур ва унинг одамлари 1-тавбадан сўнг, имонли бўлиб юрганларида, ХУдони чуқур излашни бошлаганларида, МУқаддас Руҳ ҳозирги гуноҳкорона ҳаётлари учун тавба қилишга чорлагани, улар гуноҳдан кечиб, муқаддаслашганларидан сўнг Муқаддас Руҳ қуйилгани бўлиши мумкин.
В.Дурхам гуруҳи эса муқаддасланишни тавба қилиш ва Руҳга чўмиш ҳосили деб қараб, уни алоҳида ажратмаган бўлиши мумкин.
Умуман олганда, икки гуруҳ бир-бирининг фикрини ҳурмат қилиб, назарларини янада кўпроқ Муқаддас Руҳга тикишлари, Унга бўйсуниб, Унга боғлиқ бўлишлари мумкин эди, Муқаддас РУҳ янада кўпроқ қуйилиши учун ҳар бирлари олган ваҳийларини қўллаб, янада кўпроқ Буюк Амр ва Буюк Топшириқни бажаришга диққатларини қаратишлари мумкин эди.
Шу баҳсларга берилганларида руҳий уйғониш тўхтаган. Шайтон бизни ташқаридан енга олмаса ичкаридан енгади. Шу учун бир-биримизга бўйсуниб, бирликни сақлашимиз керак!!!
Қарор:
Ҳар ўқиган нарсамиз ҳақида фикр юритиб, ниманидир ўрганишимиз, қарор қилишимиз лозим. Шунда ўқиган нарсамиз бизга фойда келтиради.
Мен ҳозир руҳий уйғонишлар ҳақида ўқияпман, руҳий уйғонишни ўз давримизда кўришни орзу қиламан. Бу учун ҳар кунлик руҳий машғулотларимни оширишга қарор қилдим.
1)Ҳар кунлик 2соат тонгги ибодат, ярим соат ҳамду -сано, ярим соат номаълум тилларда ибодатга вақт қўшаман. Яъни ҳар куни тонгда 2соат ибодат, кейин 1соат ҳамду сано, 1соат номаълум тилларда ибодат қиламан.
2)Бир соатлик Ёзув ўрганишни ҳам кўпайтираман. Бир соат Ёзув ўрганаман, 1соат ўрганаётган мавзуйимга оид қўшимча материалларни ўрганаман.
3)Ўрганганларимни ёзаман ва имонлилар билан бўлишаман.
4)Ҳар доим очиқ эшикларга бориб, ҳақиқат билан бўлишаман.
Ибодат: Раббий, биз ҳам руҳий уйғониш учун нарх тўлаб ибодат қилайлик ва уни ҳаётимизда кўрайлик. Ўзинг бизларга рашк, бағишланиш бер, Муқаддас Руҳ қудратини қуйгин, халқимизнинг руҳий кўзлари ва қулоқларини оч, қалб кўзларини оч, токи халқ нажотга келиб, ҳақиқатни англасин, муқаддас яшаб, жаннати бўлсин. Исо Масиҳ номи билан: Омин.
5)Худонинг Шоҳлиги кенгайиши учун хизмат қилишга бағишланганлик.
Биз шундай имонли бўлишга ҳаракат қилишимиз ва шогирдларимизни ҳам бунга руҳлантиришимиз лозим, шунда ҳар биримиз рухий уйғониш бошида туришимиз мумкин.
Руҳий уйғониш қандай келади?
Бу Ҳаворийлар 9-бобда баён этилган, Повулнинг ҳаётида бўлганидек, имонсизнинг ҳаётига Худонинг бирдан кириб келиши туфайли кутилмаганда содир бўлиши мумкин.
Бу Ҳаворийлар 2-бобда баён этилганидек, имонлилар ўзларини итоат билан ибодатга бағишлаганларида кутилган ҳолда режалаштирилгандек содир бўлиши мумкин.
Асосийси, имонлилар руҳий уйғониш ҳақида билишса ва у учун ибодат, рўзаларда нарх тўлашса ҳар бир имонли, жамоат ҳаётида содир бўлиши мумкин.
Ҳаворийлар 2:1-4, 38-42. 1 “Элликлик” куни келганида, уларнинг ҳаммалари якдиллик билан бирга эдилар.
2 Тўсатдан осмондан худди кучли шамол бўлгандек шовқин келди ва улар ўтирган уйни бутунлай тўлдирди.
3 Уларга олов каби бўлинаётган тиллар зоҳир бўлиб, уларнинг ҳар бирининг устига биттадан қўнди.
4 Шунда уларнинг ҳаммалари Муқаддас Руҳга тўлдилар ва Руҳ уларга бераётган иборалар билан бошқа тилларда гапира бошладилар.
38 Петъор эса уларга деди: –Тавба қилинглар ва гуноҳларингиз кечирилиши учун ҳар бирингиз Исо Масиҳ номига чўмдирилинглар ва Муқаддас Руҳ инъомини оласизлар.
39 Чунки бу ваъда сизларга, фарзандларингизга ва бизнинг Раббий Худойимиз даъват этган барча узоқдагиларга тегишлидир .
40 У яна бошқа кўп сўзлар билан гувоҳлик берар ва огоҳлантириб: –Бу бузуқ авлоддан қутулинглар! – дер эди.
41 Шунда унинг сўзини қувонч билан қабул қилганлар чўмдирилдилар. Ўша куни ҳаворийларга уч мингга яқин жон қўшилди.
42 Шундай қилиб, улар доимо ҳаворийларнинг таълимотида, мулоқотда, нон синдиришда ва ибодатларда бўлар эдилар.
Парчадан хулоса:
1)Якдилликда, бир жойда ибодатда эдилар(1).
2) Муқаддас РУҳ шамолдек келди, уйни тўлдирди, уларнинг ҳар бирига оловли тиллар қўнди(2,3).
3)Муқаддас РУҳга тўлдилар ва Руҳ берганидек номаълум тилларда сўзлай бошладилар(4).
5)Бир кунда уч мингга яқин киши тавба қилиб сувга чўмди(41).
6)Янги имонлилар ҳар куни таълимотда, мулоқотда, нон синдириш ва ибодатларга қатнаша бошладилар(42).
Мана, МУқаддас Руҳ қуйилишига чанқоқлик билан якдилликда қилган ибодатнинг ҳосили!!!
Биз ҳам рашк қилиб, ўзимизни ибодатлар ва рўзаларга бағишлайлик ва шундай натижаларни кўрамиз!!!
БОШҚА РУҲИЙ УЙҒОНИШЛАР
Тарих кўпдан кўп яна руҳий уйғонишларнинг гувоҳи бўлган. Уларнинг баъзилари ёзиб қолдирилган, баъзилари йўқ. Ҳар бир руҳий уйғонишнинг жамоатнинг одатий ҳаётидаги ҳосилларидан фарқи қуйидагилардан иборат бўлган:
Агар биз ҳам шундай натижаларни истасак, жамоатимиз, қишлоғимиз, шаҳримиз, еримиз ва халқимизга руҳий уйғониш келишини сўраб, ўзимизни ибодат ва рўзаларга бағишлашимиз керак.
Ҳар бир руҳий уйғонишдан олдин ибодатга мойланиш ва бағишлашин тушган, ибодат ва шафоат руҳи имонлиларни қамраган ва улар соатлаб халқлари, ерлари учун сидқидилдан шафоат қилишган.
Уйғоқ одам уйғоқлигини билади, ухлаётган ухлаётганини билмайди. Ҳатто, туш кўраётганида у ўзини бедор деб ўйлайди.
Бу рукнда биз шу давргача содир бўлган руҳий уйғонишларни ўрганиб, уларнинг тажрибасини ҳаётимизда қўллашга ҳаракат қиламиз.
Кириш: Фақат шогирд устозини яхши билиши ва устозининг ишларини такрорлай олиши мумкин. Шу учун Масиҳ шогирд орттирган эди, шогирдларини ҳам шогирд орттиришга юборди. Лекин ҳамма ҳам шогирд бўлишни истамайди. Кимгадир ялқовлик, кимгадир дунёни севиш, кимгадир гуноҳни севиш ҳалақит беради. Ёзув эса бунга қарши ўлароқ ҳар биримизни Сўзни ўрганиш ва бажаришга даъват қилади. Шунда ҳаракат қилаётганлар орқали Муқаддас Руҳ Ўзини намоён қилади.
Мен шогирдчиликни ипак қуртининг капалакка айланишига қиёслайман. Ипак қурти ўзгармаса, пилла ичида қолиб кетса, бўғилиб ўлади. Лекин ўзгариши натижасида капалакка айланади ва учиб кетади, унинг иккинчи ҳаёти бошланади.
Масиҳийлар ҳам дунёвий ҳаётлари ва ишларидан кўтарилиб, масиҳ ортидан боришга интилмас эканлар, ҳаётларини ўзгармайди, ерда, муҳтожликда судралиб юришга мажбур бўлади. Бир куни шу дунёвий ҳаёт уларни ўлдиради. Шогирдлар эса руҳ изми билан яшай бошлайдилар, уларнинг руҳий қанотлари пайдо бўлади ва улар Раббий ортидан уча бошлайдилар. Раббий уларга ҳамроҳ бўлади!!!
Луқо 9:23. Кейин барча одамларга деди: “Агар ким Менинг ортимдан юришни хоҳласа, ўзидан воз кечсин ва ҳар куни ўз хочини кўтариб, Менга эргашсин.
Нима 3нарса талаб қилинмоқда?
1)Ўзидан воз кечсин.
2)ҳар куни ўз хочини кўтарсин.
3)Менга эргашсин.
Бироз ўйлаб, жавоб ёзинг: сиз буларни қандай тушунасиз?
1)Раббийнинг йўли ва мен ўзим истаган йўл, бошқа -бошқа. Токи мен ўз йўлимдан юришни истар эканман Раббий ортидан бора олмайман. Шу учун ўз йўлимни қолдириб, Раббий ортидан боришим керак. Шогирдлар учун бу балиқчиликни қолдириб, Масиҳ ортидан изма-из юриш эди. Ҳаворий Повул учун диндорлигини қолдириб, шогирдларга қўшилиш эди ва ҳок.
2)Тирик эканмиз мукаммаллашамиз. Қандайдир гуноҳкор истаклар пайдо бўлиб, бизни чорлайди. Биз уларни хочга михлашимиз керак. бу кўпроқ ўз характери устида ишлаш соҳасига тегишли бўлади. Масалан, жаҳлланишни хочга михлаш, хасисликни, масъулиятсизликни, ўзбилармонликни, итоатсизликни ва ҳок.
3)Раббий доим ҳаракатда. Руҳий машғулотлар ёрдамида Раббий қаерда ҳаракат қилаётганини ҳис қилиб, Унинг ортидан бориш керак.
Энди самимий жавоб бериб, ёзиб қўйинг: Қайси бирига сиз тайёрсиз?
1)Ўз йўлимни қолдириб Раббийнинг йўлидан юришга.
2)Ҳар куни хочимни олишга.
3)Раббий ортидан боришга.
ШОГИРДЛИК БАРАКАЛАРИ:
Қуйидаги парчаларни ўқиб, қандай баракалар ваъда берилганини ёзинг.
1)Матто 19:27-30. 27 .Шунда Петъор Унга жавобан: – Мана, биз ҳамма нарсани қолдириб, Сенинг ортингдан эргашдик. Биз энди нимага эга бўламиз? – деди.
28 Исо эса уларга деди: – Сизларга ростини айтаман, сизлар – Менинг ортимдан эргашганлар – янги оламда, Инсон Ўғли тахтда Ўз шуҳратида ўтирганида, сизлар ҳам ўн икки тахтга ўтириб, Исроилнинг ўн икки қабиласини ҳукм қиласизлар.
29 Менинг номим учун уй-жой, ака-ука, опа-сингил, ота-она, хотин-бола ёки ер-мулкини ташлаб кетган ҳар бир одам булардан юз марта кўпроғини олади ва абадий ҳаётни мерос қилиб олади.
30 Зотан кўплаб биринчи бўлганлар охирги, охиргилар эса биринчи бўладилар.
Тахтга ўтирамиз, ҳукм қиламиз.
2) Юҳанно 15:15. Энди Мен сизларни қулларим деб атамайман, чунки қул, унинг хўжайини нима қилаётганини билмайди. Аммо Мен сизларни дўстларим деб атадим, чунки Отамдан эшитган ҳамма нарсани Мен сизларга маълум қилдим.
Шогирдларни Масиҳ Ўз дўстлари қилади.
3)2Тимотий 4:2.Сўзни воизлик қилгин, бу ишда қулай фурсатми, фурсат эмасми, саботли бўлгин. Фош қилгин, тақиқлагин, бутун сабр-тоқат билан таълим бериб насиҳат қилгин…
6 Мен энди қурбон бўлмоқдаман ва бу дунёдан ўтиш вақтим келди.
7 Мен яхши жанг билан жанг қилдим, ўз масофамни тугатдим, имонимни сақладим.
8 Энди эса мен учун ҳақлик тожи тайёр турибди. Ҳақ ҳукм қилувчи Раббий ўша куни шу тожни менга беради. Фақатгина менга эмас, балки Унинг намоён бўлишини севадиганларнинг ҳаммасига ҳам беради.
Раббий тож кийдиради.
БУ баракалар сиз учун нимани англатади?
Руҳий дунёга дахлдорликни, руҳий дунёда ўз шарафли ўрним борлигини.
НИМА ШОГИРД БЎЛИШИМИЗГА ХАЛАҚИТ БЕРИШИ МУМКИН?
Дунёни севиш.
2Тимотий 4:9. Менинг олдимга тезроқ келишга ҳаракат қилгин.
10. Чунки Димас бу дунёни севиб қолиб, мени тарк этди ва Фессалоника шаҳрига кетди. Крискен Галатияга, Титус Далматияга кетди.
Гуноҳни севиш.
Филиппиликларга 3:17. Биродарлар, менга тақлид қилинглар ва бизнинг намунамиз бўйича ҳаракат қиладиганларга қаранглар.
18. Чунки кўп одамлар Масиҳ хочининг душманлари каби яшаяптилар. Мен сизларга улар ҳақида тез-тез айтиб турар эдим, энди ҳатто кўз ёшим билан гапираяпман.
19 Уларнинг охирати – ҳалокат, уларнинг худоси – қорин, уларнинг шуҳрати – уларнинг шармандалигидадир. Улар ердаги нарсалар ҳақида фикр юритадилар.
20 Бизнинг фуқаролигимиз эса – осмондадир. Биз у ердан Нажоткор Раббимиз Исо Масиҳнинг келишини кутмоқдамиз.
Бундан ўзимизни асрашимиз учун нима қилишимиз керак?
1Тимотий 6:12-14. Сен эса, эй, Худонинг одами, булардан қочгин, аксинча, ҳақлик, художўйлик, имон, севги, сабр-тоқат ва мулойимликнинг пайидан бўлгин.
12. Имоннинг яхши жанги билан жанг қилгин. Абадий ҳаётни ушлаб тургин, чунки сен шунга даъват этилгансан ва яхши эътирофни кўп гувоҳлар олдида эътироф этгансан. 13.
Ҳамма нарсага ҳаёт берувчи Худонинг олдида ва Понтий Пилат ҳузурида яхши эътироф билан гувоҳлик берган Исо Масиҳнинг олдида сенга буюраман: 14.
Характеримизда Руҳ ҳосилларини шакллантириш пайидан бўлишимиз керак. имонга қарши нарсалар билан курашишимиз керак. абадий ҳаётни маҳкам тутишимиз керак. Амрни бенуқсон сақлашимиз, яъни унга амал қилишимиз, уни ўзимизга мос қилиб талқин қилмаслик ва қўлламаслик.
Хулоса: Раббий Ўзининг топшириғини фақат шогирдлар бажар олишини тушунган. Чунки шогирдгина кўп вақтини устоз олдида ўтказади, шогирди қандай ишлаётганини кўради, тақлид қилади ва унинг ишини қайтара олади. Буюк Амр ва Буюк Топшириқни бажаришнинг йўли – Масиҳнинг шогирди бўлишдир. Шогирд бўлиш ипак қуртининг капалакка айланишидек. Агар ипак қурти капалакка айланиб учиб кетмаса, пилла ичида ўлади. Масиҳий ҳам ерлик, дунёвий ҳаётдан кечиб, руҳ изми билан яшай бошламаса, ўзгариб, руҳий дунёда парвоз қилмаса дунёвий ҳаёт ичра ҳалок бўлади. Шогирд бўлишнинг нархи – ўзидан кечиш, ҳар куни хочини олиш ва Масиҳ ортидан юришдир. Баракаси эса: Масиҳ ёнида тахтда ўтириш, ҳукм қилиш, тож кийдирилиш, бу дунёда қурбон қилган нарсаларининг 100баробар қайтарилиши, у дунёда абадий ҳаётдир. Шу учун ерлик, дунёвий ҳаётга берилмасдан ўзимизда руҳ ҳосилларини ривожлантириш, имон жанги билан курашиш, абадий ҳаётни тутиб туриш, муқаддасланиш ва мукаммалланиш пайидан бўлишимиз лозим.
Ибодат: Раббий, борлигингиз учун, Сўзингиз учун раҳмат. Дуо қилинг, шогирд бўлишни истайлик. Дуо қилинг, ўзимиздан кечайлик, ҳар куни хочимизни олайлик, Сизнинг ортингиздан юрайлик. Руҳ ҳосилларини ўзимизда етиштирайлик, имон жанги билан жанг қилайлик, абадий ҳаётни тутиб турайлик, тобора муқаддасланайлик ва мукаммаллашайлик. Сизнинг қудратингиз ва шуҳратингиз, севгингиз биз орқали намоён бўлсин. Исо Масиҳ номи билан: Омин.
Бу мақолада мўъжизавий ҳаёт ва хизмат калити бўлмиш – Масиҳда жо бўлиш нима эканини Худонинг Сўзидан таҳлил қиламиз.
1Юҳанно 2-боб. Ўқидим. 5.Кимки Унинг Сўзига риоя қилса, у одамда Худонинг севгиси ҳақиқатан камолга етган бўлади. Ана шундан биз Унда жо эканимизни биламиз. 6.Кимки мен Унда жо бўлмоқдаман деб айтса, Масиҳ қандай юрган бўлса, у ҳам шундай юриши керак. 22.Исонинг Масиҳ эканлигини инкор этадиган киши ёлғончи бўлмаса, унда ким ёлғончи? Бу – Отани ва Ўғилни инкор этувчи Масиҳнинг мухолифидир. 27.Бироқ Худодан олган мойланиш сизларда бор экан, сизларга бировнинг уқтиришининг ҳожати йўқдир. Лекин шу мойланишнинг ўзи сизларга ҳамма нарсани ўргатганидек, бу эса ёлғон эмас, балки ҳақиқатдир, шундай қилиб, у сизларга ўргатганидек, Масиҳда бўлинглар. 28.Ҳа, фарзандларим, Масиҳда жо бўлинглар, токи У зоҳир бўлганида, дадил бўлайлик ва Унинг олдида уятда қолмайлик.
Одамлар ҳақида: 1)Худонинг Сўзига риоя қилганларда севгиси камолга етган бўлади(5). 2)Шунда Унда жо бўламиз(5). 3)Унда жо бўлаяпман деб ўйлаган одам Масиҳдек юриши керак(6). 4)Исонинг Масиҳ эканини инкор этадиган ёлғончидир(22). 5)БУ Отани ва Ўғилни инкор қилувчи Масиҳнинг мухолифидир(22). 6)Масиҳда жо бўлсак – У зоҳир бўлганида дадил бўламиз ва уятда қолмаймиз(28).
Хулоса: Сўзга риоя қилиш учун Уни ўқиш, ўз ҳаётини Сўзга бўйсундириш керак. бу дегани – одатийдагидек ҳаракат қилмайман, балки ибодат қилиб, куч олиб, бошқача, Худо истаганидек ҳаракат қиламан. Бу ўз устида доимо ишлашни талаб қилади. Агар шундай ўз устимизда ишласак- ҳаётимиз ва хизматимизда Худонинг шуҳратини кўрамиз! Худони севганларгина Унинг амрларига риоя қилишади, шунга қараб ким Раббийни қанча севишини билиб олиш мумкин. Сўзга бўйсунганимиз сари Унда жо бўла борамиз. Масиҳ қандай юрган эди? Муқаддасликда, ҳақликда, севгида, Худо билан мулоқотда, Худога тўлиқ бағишланишда, Худога ва одамларга хизматда. Агар Масиҳда жо бўляпман деб ўйласак биз ҳам шундай юришимиз керак. Масиҳ -мойланган дегани. Раббий Исо одамларни нажотга келтириш учун мойланган эди. Раббий Исонинг нажоткор эканини рад қиладиганларни Ёзув ёлғончилигини фош қилмоқда. Уларни Масиҳнинг мухолифи, яъни душманининг руҳи бошқармоқда. Худонинг Сўзини тушуниш, ҳақиқатни англаш учун ҳар бир имонлига мойланиш берилган. Бу мойланиш Масиҳга жо бўлишга етаклайди. Дунёни севсак, танамизни севсак Масиҳда жо бўла олмаймиз. Лекин Раббийни севсак Масиҳда жо бўламиз ва У келганида дадилликка эга бўламиз ҳамда уятда қолмаймиз.