Идейные соображения высшего порядка, а также рамки и место обучения кадров требуют определения и уточнения существенных финансовых и административных условий.
Kategoriya
Xizmatchilar uchun
Аудиотека
Не следует, однако забывать, что укрепление и развитие структуры позволяет выполнять важные задания по разработке модели развития.
Видеотека
Идейные соображения высшего порядка, а также рамки и место обучения кадров требуют определения и уточнения существенных финансовых и административных условий.
Fotosuratlar
Не следует, однако забывать, что укрепление и развитие структуры позволяет выполнять важные задания по разработке модели развития.
Ссылки
Идейные соображения высшего порядка, а также рамки и место обучения кадров требуют определения и уточнения существенных финансовых и административных условий.
ЖАМОАТДА ЎРГАНИШ УЧУН ПАРЧАНИ ҚАНДАЙ ТАНЛАШ МУМКИН?
1Кор.14:26. Шунинг учун биродарлар, нима қилсак экан? Сизлар тўпланганингизда, ҳар бирингизда бирор қўшиқ борми ёки таълимот, ёки тил борми, ёки ваҳий, ёки бирор талқин қилиш борми – буларнинг ҳаммаси Жамоатни барпо қилиш учун бўлсин.
Хулоса: Раббий шогирдларининг тўпланиб туришини истайди. Тўпланганда бирга сўз ўрганишини, Худони улуғлашини, бу билан бир-бирининг имонини барпо қилишини истайди.
1)Жамоатда бўлишиш учун парчани аввало жамоатнинг эҳтиёжидан келиб чиқиб танлаш керак. Масалан, оилаларда муносабатларда муаммо бор. Айнан имонлилар орасидаги муносабатлар қандай бўлиши лозимлиги ҳақидаги парчаларни ўргана бошлайсиз, қўллай бошлайсиз ва натижа кела бошлайди. Худди шунингдек, жамоатда кўпайиш бўлмаса, кўпайиш ҳақидаги парчаларни ўрганиб, қўллайсиз. Худо ҳақида, Нажоткор ҳақида, МУқаддас РУҳ ҳақида, хуллас жамоатни ўстирадиган ва қувватлайдиган парчаларни ўрганиш мумкин.
2)Жамиятнинг эҳтиёжидан келиб чиққан ҳолда танлаш лозим. Масалан, атрофингизда беморлар, ёвуз руҳга чалинганлар бор. Одамлар келиб, улар учун ибодат қилишингизни сўрашяпти. Сизда эса Муқаддас РУҳ инъомлари, мўъжизалар ва шифолашлар ҳали ишламаяпти. Шунда жамоатга масъул одамлар сифатида шу парчаларни жамоат билан ўрганишга қарор қиласизлар ва ўргана бошлайсизлар. Албатта, натижа бўлади!
3)Масиҳийлик таълимоти асослари яъни пойдеворини ўтиш лозим. Ёзувни қимматбаҳо тошлар конига қиёс қилса бўлади. Сизнинг вазифангиз уларни шодаларга тақсимлаш. Шундай қилиб, Имон ҳақида, Худо ҳақида, шунингдек, имон йўлида муҳим бўлган нарсалар ҳақида Ёзув нима дейишини ўрганиб, шунга асосланиб таълимот тузилади. Ҳар бир масиҳий ўз таълимоти пойдеворини ўрганиб олади ва қўллай бошлайди, натижада баракалар кела бошлайди.
Хулоса: Мақсад қўйиб ҳаракат қилиш, бизни ўлик нуқтадан олға итаради ва натижага эришишимизга, ҳосил олишимизга ёрдам беради. Чўпонлик юрагига эга бўлишимиз ва чўпонлар вазифаларини ўрганиб қўллашимиз одамларга хизматимиз сифатини оширади, натижада ҳосилимиз боқий бўлади. Шогирдлар учрашувида ўтган учрашувдаги қилган қарорингизни қандай бажардингиз саволига жавоб сўраш, имонлиларда ўз устида ишлашга, ўзгаришга туртки бўлади ва барака келтиради. Кимга хушхабар айтдингиз саволига жавоб, доимо хушхабар айтишимиз лозимлигини эслатиб туради ва ичкаридан ташқарига чиқишимизга ёрдам беради. Натижада сўз тарқалиб ҳосил келтиради. Жамоатда ўрганиш учун парчани қандай танлашни билишимиз мавзу танлашга мақсад ва етуклик билан ёндашишга ёрдам беради ва жиддий масиҳийлар тарбиялашга ёрдам беради. Қўллайлик ва натижасини кўрайлик.
Ибодат: Раббий, борлигинг, Сўзинг учун раҳмат. Дуо қил, бажарувчилар бўлайлик ва бу орқали баракали бўлайлик. Исо Масиҳ номи билан: Омин.
3.ШОГИРДЛАР УЧРАШУВИНИ ТАКОМИЛЛАШТИРИШ
1Кор.14:26. Шунинг учун биродарлар, нима қилсак экан? Сизлар тўпланганингизда, ҳар бирингизда бирор қўшиқ борми ёки таълимот, ёки тил борми, ёки ваҳий, ёки бирор талқин қилиш борми – буларнинг ҳаммаси Жамоатни барпо қилиш учун бўлсин.
Хулоса: Раббий шогирдларининг тўпланиб туришини истайди. Тўпланганда бирга сўз ўрганишини, Худони улуғлашини, бу билан бир-бирининг имонини барпо қилишини истайди.
Шогирдлар учрашуви саволлари:
Биз билган саволлар.
1)Нима учун миннатдорсиз?
2)Биз ибодат қилишимиз ва ёрдам беришимиз мумкин бўлган қандай эҳтиёжингиз бор?
3)Яқинингизнинг биз ибодат қилишимиз ва ёрдам беришимиз мумкин бўлган қандай эҳтиёжи бор?
4)Охирги Ёзув ўрганиб қилган қарорингизни қандай бажардингиз?
5)Ким билан бўлишдингиз?
Янги парчани ўрганиш ва 2саволга жавоб бериш:
1)Бу парча нима ҳақида ва қандай қарор қиласиз?
2)Ким билан бўлишасиз?
ЭНДИ БУНИНГ ТАКОМИЛЛАШТИРИЛГАНИ:
1)Нима учун миннатдорсиз?
2)Биз ибодат қилишимиз ва ёрдам беришимиз мумкин бўлган қандай эҳтиёжингиз бор?
3)Яқинингизнинг биз ибодат қилишимиз ва ёрдам беришимиз мумкин бўлган қандай эҳтиёжи бор?
4)Охирги марта учрашувда Ёзув ўрганиб қилган қарорингизни қандай бажардингиз?
5)Хушхабарни ким билан бўлишдингиз?
6)Янги парча ўрганиб қуйидаги саволларга жавоб беринг: Бу парчада Худо ҳақида нима ўргандингиз?
7)Бу парчадан одамлар ҳақида нима ўргандингиз?
Хизматчилар учун қўшимча савол: Бу парчадан хизматчилар ҳақида нима ўргандингиз?
Қўлланглар, гуруҳда қарор қабул қилиб, бажариб, ўзгариш осонроқ бўлади ва қарор қилганда хушхабар бўлишиш осонроқ бўлади.
2.ХУШХАБАРЧИДАН ЧЎПОНГА ЎСИБ БОРИШ
1Тимотий 3:1. Бу сўз тўғри: агар ким Жамоатнинг нозири бўлишни истаса, хайрли ишни истаган бўлади.
Жамоатда кўпчилик ким орқалидир имонга келган, лекин ҳозир унинг шогирди эмас. Бунинг сабаби 2та: хушхабарчиларда чўпонлик билими ва тажрибасининг бўлмаганлиги ва чўпон юраги бўлмаганлиги.
Масиҳ ҳосил келтиришимизни, ҳосилимиз боқий қолишини истайди. Бу учун биз уларни шогирд қилишимиз ва хизматчи даражасига кўтаришимиз керак. Унгача ва ундан кейин алоқани сақлаб қолишга уринишимиз керак.
Чўпон юраги – ота юраги.
Ҳақиқий ота фарзандини шартсиз севги билан севади. Фарзанд нима хато қилса кечиришга тайёр бўлади. Уни ўқитади, озиқлантиради, ҳимоя қилади. Бола қайсар бўлса у учун ибодат қилади, бағрикенглик билан итоатли муносабатга қайтишини кутади, очиқлик даражасида маслаҳат ва ёрдам беради.
Чўпонлик билими ва тажрибаси:
Чўпон Худо ва қўзи орасидаги воситачи. У қўзи учун ибодат қилади ва унга Худонинг Сўзини ўргатиб, Худо билан боғлаб қўяди. Худонинг ғамхўрлигини, барасини ва ҳимоясини қўзига намоён қилади. Қўзи итоатсиз, қайсар бўлганида, тушунтириш ишларини олиб боради ва Ёзувда кўрсатилган чеклашларда тутади.
Раббий чўпонлик масъулиятини юклаётган одамлар чўпонлар ҳақида материаллар ўқиб, семинарларда қатнашиб, ўз билим ва тажрибаларини оширишлари ва амалда қўллашлари лозим.
1.МАҚСАД ҚЎЙИБ ҲАРАКАТ ҚИЛИШ
Ҳикматлар 4:26-27.
26. Оёқларинг юрадиган йўлни пухта ўйла ва барча йўлларинг мустаҳкам бўлсин, 27. ўнгга ҳам, чапга ҳам ўгирилмагин; оёқларингни ёвузликдан йироқ қилгин.
Хулоса: Раббий ҳаётимизда, ишимизда, хизматимизда, Худо билан муносабатларимизда юрадиган йўлимизни олдин ўйлаб олишимизни истайди. Қарор қилгач, тебранмай, мустаҳкам ҳаракат қилишимизни ва бу йўлдан ҳеч қаерга оғмаслигимизни, яна гуноҳдан йироқ юришимизни айтади.
Агар ҳаёт оқими билан оқаверсак ҳеч нарсага эришмаймиз, лекин мақсад қўйиб, режалаштириб ҳаракат қилсак – қўйилган мақсадларга эришамиз. Бу билан бу дунёда ҳосилга ва баракага, у дунёда мукофотга эга бўламиз! Азизлар, бу ҳақида бош қотиринг, бу қўшимча мия ҳужайралари ривожланишига туртки бўлади ва биз ақллироқ бўламиз. Дунёда энг ақлли халқ ким? Тўғри, Худонинг халқи. Чунки улар руҳий ва ақлий меҳнатга кўпроқ вақт сарфлашади. Уларга тақлид қилинг ва уларнинг натижасига эга бўласиз.
Вақт олиб, ёзиб чиқинг: нималарга эришдингиз ва келаси йилда нималарга эришмоқчисиз? Агар буни ибодат билан, яна рўза билан Худодан сўраб қилсангиз янада зўр бўлади. Чунки Худо бизларга тайёрлаб қўйган нарсаларни кўз кўриб, қулоқ эшитмаган, у одам юрагига ҳам келмаган. Бизга эса буларни Худойимиз МУқаддас Руҳ билан очади(1Кор.2:9).
РЎЗА ВА ИБОДАТ ОРҚАЛИ ХУДОГА ХИЗМАТ ҚИЛИШ ИМТИЁЗИДАН ФОЙДАЛАНИШ
Кириш: БУ воизликда ибодат ва шафоатнинг нақадар муҳимлиги ҳақида суҳбатлашамиз.
1.Раббий ерни баракалаш учун ибодатларимизни ишлатади:
Азизлар, ҳаммамиз Худога муҳтожмиз ва Ундан ёрдам сўраб мурожаат қиламиз. Худо ҳам бизга муҳтожлиги, У ҳам биздан ёрдам сўрашини биласизми?
Ерда Худо одамни ҳоким қилиб қўйган. Шу учун ерда одамнинг ибодати билангина ҳаракат қила олади. Шу учун Худо ерда Унинг иродасига кўра шафоат қиладиганларни излайди.
Эзекил 22:30. Мен уларнинг орасида ушбу ерни вайрон қилмаслигим учун тўсиқ қўядиган ва Менинг қаршимда мазкур ер учун ёриқда турадиган одамни изладим, лекин топа олмадим. 31.
Шундай қилиб, уларга Ўз қаҳр-ғазабимни қуяман, уларни Ўз қаҳримнинг олови билан қириб ташлайман, уларнинг қилмишларини ўзларининг бошларига соламан”, –дейди Раббий Худо.
Шаҳар, халқ гуноҳда яшаган. Раббий шафоатчи излаган. Агар шафоатчи шафоат қилса, унинг шафоатига кўра одамларни ўзгартириш, нажот бериш ва дуо қилишни истаган. Лекин шафоатчи бўлмагани учун бу шаҳар ва халққа гуноҳлари учун жазосини беришга мажбур бўлган.
Сизнинг шафоатингиз кимларнидир Худонинг ғазабидан, гуноҳдан, ўлимдан, дўзахдан асрашини биласизми? Унда қайноқ шафоат қилинг, бошқалар қилмаса-да сиз қилинг! Раббий ҳар бир кишини ўз бағишланишига кўра тақдирлайди! Шу учун сиз масъулият олинг!
Раббий Унга бағишланган шафоатчи хизматчиларни топса, хизматида ишлатади ва дуо қилади.
Йилнома 16:9. Зеро Раббийнинг кўзлари Унга юраги тўлиқ бағишланганларни қўллаб-қувватлаш учун бутун заминни кузатиб туради…
Бир йили халқаро ташкилотда ишлаган эдим. Шундай вазият юз бердики, бухгалтер бизлар билан қўшни давлатга чиқиб кетиши эҳтиёжи пайдо бўлди. У бошлиғига қараб: “Хўп, бор десангиз, бораман, ҳозир уйга бир оғиз телефон қилиб қўяман…”,-деди. У кишининг эмизикли боласи бор эди. Баъзан ишига бағишланганликни дунёвийлардан ўрганаман. У яхши она, лекин оила учун масъулият олаётганида иши учун масъулиятни сақлаб қолган ва иккисига ҳам улгуришга ҳаракат қилади.
2.Хизмат қилсак-да, қилмасак-да, бугун ўтади, мукофоти ҳар хил бўлади:
Масиҳ туғилган вақтда ҳам ҳамма ўз ҳаёти билан яшаётган эди. Фақат Анна ибодат қилди ва келажак Масиҳ ҳақида сўзлади. Луқо 2:36.У ерда Ашер қабиласидан Фануэлнинг қизи Ҳанна исмли жуда кекса бир пайғамбар аёл ҳам бор эди. У қизлигидан эри билан фақатгина етти йил яшаган эди.
37. У саксон тўрт ёшлик бева эди. Ҳанна маъбаддан кетмасдан, рўза ва ибодат билан туну кун Худога хизмат қилар эди. 38.
У ўша вақтда келиб, Раббийни улуғлар эди ва Йерусалимдаги нажотни кутаётганларнинг барчасига бу бола ҳақида гапирар эди.
Аннанинг фазилатлари:
1)Кекса пайғамбар аёл. Кекса ёшида ҳам Раббийга хизматни қолдирмаган. Кекса бўлса-да Раббий унга сўзлайди, уни ишлатади. У Раббийнинг овозини эшитадиган Унинг пайғамбари.
2)Эри билан фақат 7йил бирга яшаган. Демак, 19ёшда турмушга чиққан бўлса 26ёшида бева қолган. Оила, эр, фарзанд, турмуш изламаган, Раббийга ёпишган.
3)84ёшли бева. 84-26=58йил Раббийга буткул бағишланган ҳаёт.
4)Маъбаддан кетмас эди. Раббий уйини севган. Биз ҳам уйимиздаги сирли ибодат хонамиздан, хизмат жойимиздан жилмай Худога хизмат қилишимиз мумкин.
5)Рўза ва ибодат билан Худога хизмат қилар эди(37). Рўза ва ибодат ҳам Худога хизмат. Худо ишлатадиган, пайқайдиган, қабул қиладиган, қайд қиладиган, дуо қиладиган ва мукофот берадиган хизмат!!! Шундай барака келтирувчи хизмат турганида дунё телеграммдаги дунёвий гуруҳлар, гап ва бошқа нарсалар билан қимматбаҳо вақтимизни ўғирлашига йўл қўймайлик. Ибодат қилиш бу даласига уруғлар экиш дегани! Бугун ҳаёт, хизмат даласига ибодат, сўз эккан одам эртага мўл-кўл ҳосил йиғиб олади, бугун экишдан қочган эрта саҳрода ўтиради!!!
6)У РАббийни улуғлар эди(38). У Раббийга ёпишгани учун Раббий ҳам уни дуо қилар эди, унга Ўзини очар эди. Шунда Ҳанна Раббийни сўзи ва ҳаёти билан улуғлар эди. Бизчи? Раббийни улуғлаяпмизми?
7)Нажотни кутаётганларга бола ҳақида сўзлар эди(38). Бизлар ҳам Худодан нажот топаётганларни излаяпмизми? Нажоткор ҳақида сўзлаяпмизми?
Сизни билмадим, мен Аннадек бўлишни истар эдим! Ҳаётим Раббийга рўза ва ибодатлар қилиб, овозини эшитиб, пайғамбарчилик қилиб, Раббийни улуғлаб, Нажоткор ҳақида ҳаммага сўзлаб ўтишини истар эдим ва шунга ҳаракат қиламан!!!
Раббий Аннанинг ибодатларини қабул қилди, унинг номини Муқаддас Ёзувда муҳрлади ва у мукофотга сазовор бўлади.
Хулоса қилиб, шуни айтмоқчи эдимки, келинглар, бизлар ҳам Анна каби ибодат ва рўзаларда Раббийга хизмат қилайлик ва Унинг нажоти келишига ҳиссамизни қўшиб, мукофотга сазовор бўлайлик.
Ибодат: РАббий, бизларга ҳам Аннадагидек шафоатчилик, пайғамбарчилик инъомини бергин, токи биз ҳам маъбадингдан узоқлашмай, рўза ва ибодатлар билан хизмат қилайлик; Раббийни улуғлайлик ва Нажоткор ҳақида ҳаммага айтиб берайлик. ҳар баҳямиз Сен билан ва Сен учун ўтиб, қалбингни қувонтирайлик ва мукофотингга сазовор бўлайлик. Исо Масиҳ номи билан: Омин.
Рухшона Иноят
11.07.21
МАСИҲНИНГ АСКАРИ СИФАТИДА ҚИЙИНЧИЛИКЛАРГА БАРДОШ БЕР
08.07. 2Тимотий 2-боб. Ўқидим. 1.Шундай қилиб, ўғлим, Исо Масиҳдаги иноятда кучли бўлгин. 2.Кўп гувоҳлар олдида сен мендан нималарни эшитган бўлсанг, буларни бошқаларга ҳам таълим беришга қобилиятли бўлган ишончли одамларга топширгин. 3.Шундай қилиб, Исо Масиҳнинг яхши бир аскари сифатида қийинчиликларга бардош бергин. 4.Ҳарбий хизматдаги ҳеч қандай аскар ўз қўмондонини мамнун қилиш учун ўзини тирикчилик ишлари билан боғламайди. 5.Шунингдек, мусобақада қатнашаётган ҳам агар қоидага риоя қилмасдан интилса ғалаба тожини киймайди. 6.Меҳнат қилаётган деҳқон ҳосилдан биринчи бўлиб улуш олиши керак.
Нима билдим? ХУдо ҳақида: 1)Исо Масиҳдаги иноятда кучли бўлгин(1). 2)Исо Масиҳнинг яхши аскари сифатида қийинчиликларга бардош бер(3). 3)ҲЕч қандай аскар қўмондонини мамнун қилиш учун ўзини тирикчилик ишлари билан боғламайди(4).
Одамлар ҳақида: 1)Эшитганларимизни бошқаларга ўргатишга қодир бўлган ишончлиларга топширишимиз керак(2).
Хулоса: Иноятда кучли бўлиш одамнинг ўзига боғлиқ экан. Демак қайси соҳада Худонинг кўмаги керак бўлса, ўша соҳада иноят сўраб, иноятга таянишимиз мумкин ва у қуйилади. Раббий эшитганларимизни бошқаларга ўргатишга қодир бўлган ишончлиларга етказишимизни истаяптими, бунга амрдек қарашимиз керак. эрта олдига борганимизда У биздан итоат қилдикми, йўқми, талаб қилади. Бажариш учун шундайлар учун ибодат қилишимиз, уларни излашимиз, топиб топширишимиз керак. бизга Исо Масиҳнинг аскари бўлиш имтиёзи берилган. Аскар сифатида Муқаддас Руҳ кучи, фаришталар кўмаги билан таъминланганмиз. Шунда ҳам масъулият олишимизга қараб яхши ё ёмон аскар бўлишимиз мумкин. Яхши аскар қийинчиликлардан қўрқмайдиган, Раббийга таяниб руҳий жанг қилиб, ғалабага эришишни кўзлайдиган аскардир. Жасурлар – жангдан, қийинчиликлардан қўрқмайдилар, балки бу ғалаба орқали Ўз Раббийлари номини улуғлаш имкони деб қарайдилар! Аксинча, жангдан қочадиганлар, қўрқадиганлар қулликда, йўқотишларда яшайдилар. Чунки шайтон ҳамма нарсаларини тортиб олиб яшайди. Орамизда кўплар оиласини мамнун қилиш ортидан юрганига кўра қўмондонидан қўрқмаслиги ва уялмаслигини кўришимиз мумкин. Ҳақиқий аскарнинг эса кўз олдида биринчи ўринда Қўмондони туради ва У учун ўзини дунёвий ишлар билан боғламайди. Ҳақиқий аскарлар сафимизда кўпайсин. Спортда ўйин қоидаси бўлганидек, Масиҳийликда ҳаёт ва хизмат қоидаси бор: бу муқаддас, имонли ва итоатли бўлиш. Агар шу нарсалар одамда бўлмаса имонлилиги ҳам, хизмати ҳам бир тийин. У ғалаба тожини киймайди. Шу учун ўзимизда шу фазилатларни ривожлантиришимиз керак. Раббийга хизмат ҳам тақдимотсиз эмас. Раббий хизматчиларини Ўзи тақдирлайди. Кўпчиликда бунга имон етишмайди, шу учун хизматни менсимай ўзларини кўпроқ дунёвий ишга урадилар. Албатта, хизматга масъулият олиб, дунёвий ишларини ҳам қилсалар ҳеч қандай эътироз йўқ. Лекин хизматга масъулият олмаслик Худо тақдирлашига имон етишмаслиги натижасидир. Раббий эса Унга хизмат қилувчиларни тақдирлайди. Шу учун сидқидилдан Унга хизмат қилиб яшашни бўйин олишимиз ва хизмат учун тобора кўпроқ масъулиятлар олишимиз икки дунёда бизга барака келтиради.
2қарор: 1)Ўзимни Масиҳ аскари деб биламан ва қийинчиликлардан қўрқмайман. 2)Бу ҳақида фарзандларимга айтиб бераман.
Ибодат: Раббий, борлигингиз, Сўзингиз учун раҳмат. Дуо қилинг, Исо Масиҳдаги иноятда кучли бўлайлик. Эшитганларимизни бошқаларга ўргатишга қодир бўлган ишончлиларга етказишга масъулият олайлик. Масиҳнинг яхши аскари бўлайлик ва қийинчиликларга бардош берайлик. ўз қўмондонимизни мамнун қилиш учун ўзимизни тирикчилик ишлари билан боғламайлик. Қоидага риоя қилиб яшаб ва хизмат қилиб ғалаба тожини олайлик. Деҳқондек меҳнат қилайлик ва ҳосилини ейлик. Исо Масиҳ номи билан: Омин.
Сиз қандай қўллайсиз ва ким билан бўлишасиз?
МАСИҲДА ЖО БЎЛИШНИНГ АҲАМИЯТИ
Бу мақолада мўъжизавий ҳаёт ва хизмат калити бўлмиш – Масиҳда жо бўлиш нима эканини Худонинг Сўзидан таҳлил қиламиз.
1Юҳанно 2-боб. Ўқидим. 5.Кимки Унинг Сўзига риоя қилса, у одамда Худонинг севгиси ҳақиқатан камолга етган бўлади. Ана шундан биз Унда жо эканимизни биламиз. 6.Кимки мен Унда жо бўлмоқдаман деб айтса, Масиҳ қандай юрган бўлса, у ҳам шундай юриши керак. 22.Исонинг Масиҳ эканлигини инкор этадиган киши ёлғончи бўлмаса, унда ким ёлғончи? Бу – Отани ва Ўғилни инкор этувчи Масиҳнинг мухолифидир. 27.Бироқ Худодан олган мойланиш сизларда бор экан, сизларга бировнинг уқтиришининг ҳожати йўқдир. Лекин шу мойланишнинг ўзи сизларга ҳамма нарсани ўргатганидек, бу эса ёлғон эмас, балки ҳақиқатдир, шундай қилиб, у сизларга ўргатганидек, Масиҳда бўлинглар. 28.Ҳа, фарзандларим, Масиҳда жо бўлинглар, токи У зоҳир бўлганида, дадил бўлайлик ва Унинг олдида уятда қолмайлик.
Нима билдим? Худо ҳақида: 1)Худодан олган мойланиш бор(27). 2)Мойланиш Масиҳда бўлишни ўргатади(27).
Одамлар ҳақида: 1)Худонинг Сўзига риоя қилганларда севгиси камолга етган бўлади(5). 2)Шунда Унда жо бўламиз(5). 3)Унда жо бўлаяпман деб ўйлаган одам Масиҳдек юриши керак(6). 4)Исонинг Масиҳ эканини инкор этадиган ёлғончидир(22). 5)БУ Отани ва Ўғилни инкор қилувчи Масиҳнинг мухолифидир(22). 6)Масиҳда жо бўлсак – У зоҳир бўлганида дадил бўламиз ва уятда қолмаймиз(28).
Хулоса: Сўзга риоя қилиш учун Уни ўқиш, ўз ҳаётини Сўзга бўйсундириш керак. бу дегани – одатийдагидек ҳаракат қилмайман, балки ибодат қилиб, куч олиб, бошқача, Худо истаганидек ҳаракат қиламан. Бу ўз устида доимо ишлашни талаб қилади. Агар шундай ўз устимизда ишласак- ҳаётимиз ва хизматимизда Худонинг шуҳратини кўрамиз! Худони севганларгина Унинг амрларига риоя қилишади, шунга қараб ким Раббийни қанча севишини билиб олиш мумкин. Сўзга бўйсунганимиз сари Унда жо бўла борамиз. Масиҳ қандай юрган эди? Муқаддасликда, ҳақликда, севгида, Худо билан мулоқотда, Худога тўлиқ бағишланишда, Худога ва одамларга хизматда. Агар Масиҳда жо бўляпман деб ўйласак биз ҳам шундай юришимиз керак. Масиҳ -мойланган дегани. Раббий Исо одамларни нажотга келтириш учун мойланган эди. Раббий Исонинг нажоткор эканини рад қиладиганларни Ёзув ёлғончилигини фош қилмоқда. Уларни Масиҳнинг мухолифи, яъни душманининг руҳи бошқармоқда. Худонинг Сўзини тушуниш, ҳақиқатни англаш учун ҳар бир имонлига мойланиш берилган. Бу мойланиш Масиҳга жо бўлишга етаклайди. Дунёни севсак, танамизни севсак Масиҳда жо бўла олмаймиз. Лекин Раббийни севсак Масиҳда жо бўламиз ва У келганида дадилликка эга бўламиз ҳамда уятда қолмаймиз.
2қарор: 1)Сўзга бўйсуниб, Масиҳда жо бўламан. 2)Бу ҳақида фарзандларимга айтиб бераман.
Ибодат: Раббий, борлигингиз, Сўзингиз учун раҳмат. Дуо қилинг, Сўзингизга риоя қилайлик, Худонинг севгиси бизларда камолга етсин. Шундан Сизда жо эканимиз билинсин. Масиҳ юргандек муқаддасликда, севгида, ҳақликда, Худони излашда ва одамларга хизматда юрайлик. Ёлғончиларни, Масиҳнинг мухолифи бошқараётган одамларни осон танийлик. Худо берган мойланишни ҳис қилайлик, биров уқтиришини кутмасдан мухолифни таниб рад қилайлик. Мойланиш ўргатишига диққат қилайлик ва амал қилайлик, Масиҳда жо бўлайлик, токи Масиҳ зоҳир бўлганида дадил бўлайлик ва уятда қолмайлик. Исо Масиҳ номи билан: Омин.
Сиз нима қарор қиласиз ва ким билан бўлишасиз?
Дебора Иноятова
07.06.2021.
МАСЪУЛИЯТ ОЛИШ ДАВРИ
Ҳозир ҳаётимиз кескин бурилишларга тўла. Шу учун ҳаёт кемамиз чўкиб кетмаслиги ёки ботқоққа ботиб қолмаслиги учун маълум соҳаларда масъулият олишимиз лозим.