Идейные соображения высшего порядка, а также рамки и место обучения кадров требуют определения и уточнения существенных финансовых и административных условий.
Kategoriya
Cho’ponlar uchun
Аудиотека
Не следует, однако забывать, что укрепление и развитие структуры позволяет выполнять важные задания по разработке модели развития.
Видеотека
Идейные соображения высшего порядка, а также рамки и место обучения кадров требуют определения и уточнения существенных финансовых и административных условий.
Фотогалерея
Не следует, однако забывать, что укрепление и развитие структуры позволяет выполнять важные задания по разработке модели развития.
Ссылки
Идейные соображения высшего порядка, а также рамки и место обучения кадров требуют определения и уточнения существенных финансовых и административных условий.
ҒАЙРИТАБИИЙ ХИЗМАТДА ЁРИБ ЎТИШ ОМИЛЛАРИ
1. ШУ ярим йил ичида жамоатларимиз учун қаттиқ ибодат қилдим. Менинг назаримда, имонлиларимиз хушхабар айтмай, хизмат қилмай қўйган эди.
3кунлик рўза вақтида Раббий менга шуни очди: Ҳамма жамоат аъзоларимиз хушхабар айтишга ҳаракат қилди, лекин одамлар ёпиқлиги учун бўшашдилар. Агар одамлар очиқ бўлганида эди имонлиларимиз фаол хушхабар айтган бўлар эди.
Мен руҳий дунёда шайтон имонлиларга тушкунлик руҳини берганини кўрдим. Улар шу учун руҳий машғулот қилишга ҳам имонлари етишмас, шу учун ўзларини бошқа ишга натижа кўраётган ишларига урар эдилар.
Мен уларнинг устидан тушкунлик руҳини боғлаб, Муқаддас Руҳ қуйилишини, руҳлантиришини эълон қилишим лозимлигини англадим.
Сизларни ҳам руҳлантираман: Одамларингиз учун ҳар куни руҳий жанг қилинг: устиларидан тушкунлик руҳини боғлаб, МУқаддас РУҳни чақиринг!!!
Мен шундай қила бошлаганимда натижалар кўрина бошланди. У ердан, бу ердан хизмат қила бошлаганлари ва натижа бўлгани ҳақида гувоҳликлар кела бошлади.
2.Кейин Раббий одамлар Худони яхши кўришини, фақат сохта дин руҳи уларнинг онгини қоронғулаштириб турганини кўрсатди. Яъни одамлар гуноҳлари тавба қилмаётган бўлса, истаганлари учун эмас, шайтон уларни алдаб тургани учун!
Шунда мен имонлилар имонсизлар учун руҳий жанг қилиб, улар устидан сохта дин руҳини, дунё руҳини боғлашлари муҳимлигини тушундим.
Шунингдек, имонлиларимиз чекинмас бўлиши лозимлиги, ўзи яхши шогирд бўлиб, РУҳга тўлишиши, хушхабарчилик, шогирдчилик, етакчилик маҳоратини тобора ўрганиб, хизмат қилавериши, шунда натижа бўлишини кўрдим.
Шу учун мен сизларни руҳлантираман. Келинглар, бизлар ўлжамизни олдирмайлик. Бизлар чекинмас бўлайлик. Ибодат қилиб, хушхабар айтишни, одамларни нурга олиб чиқишни давом эттирайлик.
Муаммо бизда!
1)характеримизда: чекинмас, бағишланган, тутганни кесадиган бўлишимиз лозим.
2)руҳий дунёда: руҳий жанг, Муқаддас РУҳга тўлиб -тошиб хизмат қилиш.
3)хизматда: далаларга тинчлик уйларини, Худо юраги билан ишлаётган одамларни излаб бориб, хизмат қилишимиз керак. Кўп одамларга экишимиз, чуқур экишимиз, кўп ерларга экишимиз керак. Қанча кўп эксак шунча кўп ўриб оламиз.
3.Азиз опа-сингиллар. Раббий оилаларингизга хушхабар кириб келиши учун кўпроқ сизни ишлатди. Энди оилангизда биродарлар яхши шогирд ва хизматчи бўлиши учун ибодат ва юмшоқ насиҳатингизни қўлланглар. Раббий очди: агар бизлар руҳда чекинмас бўлсак ҳосиллар, кўпайиш келади. ШУ учун биродарлар яхши шогирд ва моҳир, мойланган, чекинмас хизматчи бўлиши учун ҳаракат қилишимиз керак. “Сизлар кимга хизмат қилишни ўзингиз танланг. Мен ва менинг оилам РАббийга хизмат қиламиз!”(Йешуа Нун ўғли 24:15).
Биродарларимиз моҳир хушхабарчи, шогирд кўтарувчи етакчи бўлиши учун ибодат қилайлик, бирга қилиб руҳлантирайлик.
Хушхабарчиликда: РАббий нобуд бўлаётганларга нисбатан севги билан ва хушхабар айтишга дадиллик билан юракларини тўлдиришини сўрашсин. Тарғиботдек эмас, шунчаки суҳбатдек билганларини айтишсин.
Шогирдчиликда. Келинг, бирга Ёзувни ўрганамиз, деб таклиф қилишсин.
Шогирдга Муқаддас Китобни бошидан охиригача ўзи ўқиб чиқишини таклиф қилиш, бирга эса Яратилишдан Ваҳийгача асосий ҳикояларни ўрганиш, саволларига жавоб бериш, ХУдо ҳақиқатни очиб, жаннати қилиши учун бирга ибодат қилиш мумкин.
ххх
ЛУҚО 10 ТРЕНИНГИ
Луқо 10тренинги биринчи қисми нажот эшикларига бағишланган эди. Булар:
1)ИСо Масиҳга НАжоткор сифатида ишониш.
2)Гуноҳларига астойдил тавба қилиш.
3)Сувга чўмиш.
4)РУҳга чўмиш.
Буларнинг ҳаммасини одам тушуниб қилса, Муқаддас РУҳ қуйилади ва одам РУҳга тўлиб -тошиб ғайритабиий ҳаёт кечиради.
Ҳамма шогирдларингизни шу эшиклардан ўтказинг, шунда улар кучли шогирдга айланиб, ғайритабиий ҳаёт кечиришади.
Кўпинча шу эшиклардан ўтган одамларнинг ҳаётида катта ўзгаришлар кўрдик. Лекин ғайритабиий хизматни кўрмадик. Шу ҳақида айтганимизда бу тренинг ҳали ярми бўлгани, 2-қисми бу саволга жавоб беришини айтишди. Биз 2-тренингда ҳақиқатан бу саволга жавоб олдик.
Бу жавоб шу эди: Ғайритабиий ҳаёт ва хизматга эга бўлиш учун бизлар тобора трансформация(ўзгариш)дан ўтишимиз ва МУқаддас РУҳга тўлиб тошишимиз керак.
Ҳар бир имонли Масиҳга келганида дунёвий характерга эга бўлади. бу гўё одам жаладан уйга кирганидек. У жаладан қутилди, лекин ҳали кийимлари ҳўл.
Энди ҳар бир имонли характерида трансформация, яъни ўзгаришни бошидан кечириши керак. Ичида ва ташқарисида эски ўзлигидан кечиб, Исо Масиҳ характерига ўзгариши керак. Агар Худо ўзгармаган одамга кучи ва шуҳратини қуйси у буни нотўғри ишлатади, шу учун ХУдо бизни ўзгарганимиз сари юксалтира бошлайди.
АГАР БИЗ ЎЗИМИЗНИ ТЎЛИҚ БАҒИШЛАСАК ВА ТОБОРА ЎЗГАРСАК ХУДО КУЧЛИ ИШЛАТАДИ!
Тасаввур қилинг: ер тагида сув кўп. Кимдир кичкина труба улайди, кимдир катта қувур ташлайди. Артезан қудуғидан сув отилиб чиқади, кичкина трубадан кам чиқади.
Худди шундай, биз ўзимизни нақадар кўп бағишласак, шу қадар кенг қувурга айланамиз, нақадар Раббий суратига ўзгарсак шу қадар тоза сув чиқади.
Кам бағишласак кичик труба, ўзгармасак, ичини ахлат тўлдириб қўйиб, сув чиқа олмаётган труба бўламиз. Шу учун ўзимизни тобора бағишлаш ва ўзгариш жуда муҳим!
Трансформация вақтининг муҳимлиги.
Бизда Раббий ичимиз билан ишлаши учун ҳар куни камида ярим соат ибодатда ўтказадиган вақтимиз бўлиши керак.
ҲАр бир одамда ўзига севги кучли. Шу учун биз камчиликларимизни ҳатто пайқамаймиз. Лекин шу камчиликларимиз бизни ХУдонинг кучи оқишидан тўсади.
Бундай бўлмаслиги учун биз камтар бўлишмиз керак:
А)Аввало, РАббий олдига келиб, мени қандайлигимни кўрсат, ўзгаришимга ёрдам бер деб ибодатда сўрашимиз керак.
Б)Кейин Ёзув билан ўзимизни солиштиришимиз керак.
В)Ишонган одамларимизга: Камчилигимни кўрсанг айт, мен ўзгаришни истайман, дейишимиз керак.
Трансформациянинг 3қадами:
Римл.12:2. Дунё билан бирлашманглар, балки онгларингни янгилаб тубдан ўзгаринглар.
1)Дунёқарашни янгилаш.
2)Эски Ўзликни ечиш.
3)Янги ўзликни кийиш.
Трансформация вақтини қандай ўтказамиз?
1)Ёзув ўқиб, ўзимизни солиштирамиз. 1Тим.4:16. Ўзингга ва Ёзувга диққат қил. Шундай қилиб ўзингни ва сени тингловчиларни қутқариб қоласан.
Демак, ўзимизга диққат қилмасак нажотни йўқотиш хавфи бор!
2)Ҳикматлар китобини ўқиб, ўзимизни солиштирамиз. Ҳик.1-30боблар. Аосийси донолик!!!
3)10амрга нисбатан юрагимизни имтиҳон қиламиз. Чиқ.20-боб.
4)Кўпларда ташқи гуноҳлар йўқ, лекин қалбида бор. Масалан, зино, бировникини исташ, нафрат, душманлик(Матто 15:18-19).
ИСо Масиҳ: ҲАқлигингиз фарзийларникидан ўтмаса ОСмон Шоҳлигига кира олмайсизлар деган(Матто 5:20). Фарзийлар ташқаридан ўзларини гуноҳдан тияр эдилар. Бизлар эса юракни тозалашимиз ва ўзимизни юрак даражасида гуноҳдан тийишимиз керак.
5)Кўпларда гуноҳ пардага ўралган: бировникини олади, ўзини оқлашга баҳона топади; ёлғон гапиради, баҳона топади.
6)Баъзилар шунчаки кўр, ҳамма гуноҳларни қилиб юради, лекин тан олмайди. Ваҳий3:18. Кўзингга мой суртгин токи кўра олгин.
7)Тана ишлари ва руҳ ҳосилларини ўзимизда аниқлаб. ГАлатликларга 5:19-26.
8)Ёзувдаги охирги замон одамлари билан ўзимизни солиштириб ва ҳок. 2Петрус 3:3; 1Тимотий 4:1; 2Тимотий 3:1-5.
Трансформациядан мақсад тобора муқаддаслашиш, мукаммаллашиш. Биз Масиҳ суратига ўзгаришимиз керак.
Муқаддас бўлинглар, чунки Мен муқаддасман. 1Пет.1:14-25;
Оталаринг каби мукаммал бўлинглар, душманларингни севинглар. Матто 5:38-48.
Мукаммалликнинг тожи эса севги. Колосликларга 3:14.
Агар шартсиз севгимиз ошаётган бўлса тўғри кетяптмиз!
Муқаддас Руҳга тўлишиш вақтининг муҳимлиги.
Биз ҳар куни МУқаддас РУҳга тўлишишга ҳар куни камида ярим соат вақт ажратишимиз керак. Бу машинани ҳайдашдан олдин заправка қилгандек гап.
Худо бежиз Муқаддас РУҳни кутинглар, демади.
Биз доимо Муқаддас РУҳни ибодатларда, рўзаларда кутишимиз керак.
Ҳар кимнинг ўзининг Муқаддас РУҳга тўлишиш усули бор. Кимдир Ёзув ўқиётганда тўлишади, кимдир ибодат қилаётганда, кимдир ҳамду сано вақтида ва ҳок.
Масалан, мен кўпроқ рўза орқали Муқаддас РУҳга тўлишаман. Шу учун ҳар ҳафта 6кун маза қилиб овқатланиб, 1кунни ХУдога рўзада бағишлашга ҳаракат қиламан.
Сиз ўзингизнинг усулингизни аниқланг ва ҳар куни бунга вақт ажратинг.
Муқаддас Руҳга тўлиб тошиш белгилари:
1)Сўз айтишга дадиллик. Ҳав.4:31.
2)Қувонч. Римл.14:17.
3)Руҳланиш. 2Тим. 1:7.
4)Ваҳийлар, Муқаддас РУҳдан йўналиш олиш. Ҳав.16-боб.
Шулар содир бўлганича руҳий машғулотлар қилаверинг.
ххх
ШОГИРДЧИЛИК
Кўп хизматчилар жамоат аъзолари яхши шогирд бўлишини исташади, лекин бундай бўлмаганидан эзилиб юришади. Шу ҳақида Раббий қуйидагиларни очди:
Аввало, шогирдчилик ўзимиздан бошланади!
Кейин оиламиздан бошланади!
Кейин эса жамоат аъзоларимиздан бошланади!
Келинглар, бугун шу мавзуга чуқурроқ тўхталамиз.
1)ШОГИРДЧИЛИК НИМА?
-шогирдчилик устозининг ўргатганини устозидек қайтариш.
Масалан, бир йигит машина ҳайдамоқчи. Устози ўргатади ва бир куни у мустақил равишда машина ҳайдай олади.
Ёки бир қиз пишириқлар устаси бўлмоқчи. Пазандадан ўрганади ва вақт ўтиб, у мустақил равишда мазали пишириқлар пиширади.
Биз ҳам устозимиз Исо Масиҳнинг ортидан изма-из юриб, У яшагандек яшашимиз ва У қилганидек хизмат қилишимиз керак. Шунда яхши хизматчи бўламиз.
Нима бунга халақит беради? ДУнёвий иш ва ташвишлар. Булардан устун бўлиш учун доимо бу дунё ўткинчи эканлиги, ҳамма муваффақиятларимиз: уй, машина, тўй, обрў ҳаммаси бу дунёда қолиб кетишини, у дунёга фақат жонимиз ҳосилларимиз билан боришини ёдда тутинг ва ҳеч қурса ҳаётингизнинг ярмини ХУдони излаш ва Унга хизмат қилишга бағишланг. Шунда 2дунё лаззатига ҳам улгурасиз!
2)ШОГИРДЧИЛИК ХУДОНИНГ ИРОДАСИ
Исо Масиҳ айтди: “Агар шогирдларим бўлсангизлар ва кўп ҳосил келтирсангизлар шунда Отам улуғланади.”
Исо Масиҳ аввало ўзимиз Унинг шогирди бўлишимизни, кейин бошқаларни шогирд қилишимизни амр берган.
3)ШАХСИЙ ШОГИРДЧИЛИК
Шогирд сифатида Раббий билан ўтказадиган вақтингиз бўлсин: Ибодат: ХУдо Ўзини, иродасини очиши учун. Руҳий жанг ибодати, жамоат аъзолари учун шафоат ва ҳок. Ёзув ўрганиб, қўллаш вақти, ҳамду-сано вақти. Раббийга хизмат қилиш вақти.
4)ОИЛАДА ШОГИРДЧИЛИК
Ўзимиз ҳар куни руҳий машғулотларлар ва хизматга вақт ажратиб қила бошлашимиз оиламизга ўрнак бўлади. Лекин бизнинг масъулиятимиз оиламизга ҳам буни ўргатиб, қилишга руҳлантириш.
Қонунлар 6:6-9. 6. Мен сенга бугун амр бераётган ушбу сўзлар юрагингда бўлсин. 7. Буларни фарзандларингга уқдиргин, булар ҳақида уйингда ўтирганингда ҳам, йўлда юрганингда ҳам, ётганингда ҳам ва турганингда ҳам гапириб тургин. 8. Бу сўзларни қўлингга белги сифатида боғлаб қўйгин ва булар пешаналарингга пешанабоғдек бўлсин. 9. Бу сўзларни уйингнинг ёндорларига ва дарвозаларингга ёзиб қўйгин.
- ҲАли гўздагингиз она қорнида бўлса, қўл қўйиб ибодат қилинг, Сўзни овоз чиқариб ўқинг ва Раббийни улуғланг. Яҳё Чўмдирувчи она қорнидан МУқаддас РУҳга тўлган эди, туғилгач Худонинг танлангани бўлди! Сизнинг руҳий чанқоқ, руҳий меҳнаткашлигингиз болангиз учун буюк келажак тайёрлайди.
- Болангиз туғилгач, ўқишни ўргангунича бирга мультфильм кўринг, ҳамду-сано эшитинг, МУқаддас Китобни ҳар куни ҳикояларини соддалаштириб айтиб беринг, бирга ибодат қилинг.
- Болангиз ўқишни ўргангач, ёшига мос Муқаддас Китоб олиб беринг, бирга ўқинг, у эшитсин, сиз қулоқ солинг, тушунганларингни бир-бирларингга айтиб беринглар, бажариш учун бирга қарорлар қилинглар, бажаришга Раббий ёрдам бериши учун бирга ибодат қилинг. Болангиз мустақил ўқишни бошлагунича бирга ўқинг ва мустақил ўқишга руҳлантиринг. Аста-секин болангизга шафоат қилишни, ўртоқларига Раббийнинг қилаётган ишлари ҳақида гувоҳлик беришни, Раббийни улуғлашни ўргатинг.
- Болангиз катта бўлиб, ўзи мустақил ўқишни бошлаганида ҳам кечки овқат устида бугун нимани ўқиганларинг, қандай қарор қилганларинг ҳақида суҳбатлашишни оила маданиятига киритинг. Иложи бўлса ҳар куни, бўлмаса 1,2марта бутун оила аъзолари йиғилиб, шогирдлар учрашуви ўтинглар. Болангизга қизиқиши бўлган соҳада Раббийга хизмат қилишга руҳлантиринг ва хизматга киришишига ёрдам беринг.
Биз болаларимизга мустақил равишда Сўз ўрганиб, бажариб юришни, ибодат қилишни, улуғлашни ва хизмат қилишни ўргатишимиз лозим!
ШУнда уларга имонлилик меросини ва энг яхши, содиқ дўстни тақдим қилган бўламиз.
Бир одамдан сўрашибди: “Фарзандларимга қанча мулк қолдирсам охиригача бахтли ҳаётни таъминлаган бўламан?” Унга жавоб беришибди: “Мол-мулк билан фарзандингга ҳеч қандай барака қолдира олмайсан. Чунки мол-мулкни нотўғри сарфлаб тез йқўотиши мумкин, ёки ўғли ўғирлаб кетиши мумкин. Сен фарзандларингни ХУдо билан дўст қилиб қўй. ШУнда улар содиқ дўст, маслаҳатчи, ҳимоячи, барака манбаига эга бўлишади. БУ Дўст билан 2дунё хор бўлмайди!” Азизлар, фарзандларингиз 2дунё хор бўлишини истамасангиз, болалар руҳий тарбиясига вақт ва куч ажратинг.
Болани шогирд қилишга 2нарса халақит беради:
А)сизнинг бандлигингиз халақит беради.
Б)Боланинг истамаслиги ҳалақит беради.
Лекин ибодат қилиб, ХУдодан ёрдам сўраб ҳаракат қилсангиз кундан кунга натижа келишни бошлайди. Шахсий мисол: 2фарзандим кўчаги эди. Бошида тинглашни исташмади. Ибодат қилиб, ҳаракат қилаверганда, РАббий юракларида қандай ишлаётганини кўрдим, кундан кунга ёқиб, ўқийдиган бўлиб қолишди. бу уларнинг хулқига ҳам, мактабда ўқиш сифатига ҳам ижобий таъсир қила бошлади.
Болаларимизни дунёнинг таъсиридан чиқариб, Худонинг йўлига солишни ўрганишимиз борасида, жамоат аъзоларимизни ҳам дунё таъсиридин чиқариб Худо йўлига солишга тажриба ва мойланиш оламиз! 1Тимотий 3:12. Жамоат хизматчилари ўз болаларини яхши тарбиялайдиган бўлишлари керак.
Жамоатда шогирдчилик.
Агар жамоатни ҳафтада 1марта йиғиб воизлик қилсангиз бу ҳафталик клуб бўлиб қолади. Сиз жамоат аъзоларингизни шогирд бўлишига ёрдам беришингиз лозим.
А)ҲАр куни шахсан Ёзув ўрганиб, бажариб яшашни ўргатинг ва руҳлантиринг; ҳар куни ибодат қилишни, Худони улуғлашни ўргатинг ва қилишга руҳлантиринг. Хушхабарчилик, шогирдчилик, етакчилик қилиб яшашни ўргатинг ва руҳлантиринг.
Б)Иложи бўлса ҳар куни, бўлмаса, ҳафтада 1шогирдлар учрашувига йиғилинг. Шогирдлар учрашуви саволлари бўйича суҳбатлашиб, ибодат қилиб, кейин Сўз атрофида йиғилинг, яъни ўқиб, ҳар бир киши тушунганини айтсин, қарор қилсин ва бажара олиш учун ибодат қилинг.
В)Ҳар куни хизмат қилиб яшашга ва янги уй жамоатлари кўтарилиши учун тинчлик хонадонларини ХУдо кўрсатиши учун ибодат қилиб, тинчлик хонадонларини излашга, кириб уй жамоатлари кўтаришга руҳлантиринг.
АМАЛИЁТ
Диванда ўтириб, дунёни қўлга киритиб бўлмайди. Халққа, ерга эришишни истаган одам албатта халқ бор жойга бориши лозим бўлади. Агар далада ХУдонинг ишларини кўришни истасангиз далага чиқишни севинг. Ўзингизни руҳлантиринг ва Худо билан амалиётга чиқинг.
Санолар 106:23-24. Худонинг оқимларига чиқадиганлар Худонинг уммондаги ишларини кўрадилар.
Товуқ товуқхона даражасида учади. Бургут тоғлар узра учади. Биз нималарни орзу қилишимиз, мақсад қилиб ҳаракат қилишимиз атроф-муҳитимиз, маданиятимизга боғлиқ.
Масалан, русларнинг боласи илм-фанга қизиқади, ривожланган давлатлар фарзандлари ҳай.тек, етакчиликка қизиқади, бизники фақат футбол ва машинага қизиқиши мумкин. Лекин бу орзу билан дуёни ўзгартириш қийинроқ. Шу учун ўзимизга Худонинг назари билан қарашимиз керак. Ҳаворийлар, пайғамбарлар бизларнинг ота-боболаримиз, улардаги Руҳ бизда ҳам бор, улар қилган ишни биз ҳам давом эттиришимиз керак. Кенг далалар миқёсида ўйлашни бошланг ва ҳаракат қилинг.
ЕТАКЧИЛИКДА ХУДОНИ ЧЕКЛАМАНГ
Биз одатда одамнинг ўзига воизлик қилар, зўр келса бошқаларга айтиб бер деб айтар эдик. Ёзув эса янада чуқур кетяпти.
2Тимотий 2:2: Мендан эшитганларингни бошқаларга ўргатишга қодир бўлган содиқларга етказгин. Бу ерда биз 4авлодни кўряпмиз. Павлус, Тимотий, содиқлар, бошқалар. Демак, бундан буён:
1)Бошқаларга ўргатишга қодир бўлган содиқларни сўрашимиз лозим.
2)Шогирдларимизга сўзни ўргатаётганимизда: “Сен ҳам бошқаларга ўргатишга қодир бўлганларни ХУдо бериши учун ибодат қилган ва сўзни бошқаларга етказ, Улар ҳам бошқаларга ўргатишги қодирларни сўраб уларга етказсин,”-дейишимиз лозим.
Албатта, шогирдларимиз буни қила олмайдиган туюлади. Сиз эса ибодат қилиб, етказаверинг ва қолганини Раббийга қўйиб берайлик, Ўзи бошқаларга етказадиган қодирларни кўтарсин!
РЕЖАЛАШТИРИШ ВА ҲИСОБОТ -МАҚСАДГА ТЎҒРИ ОЛИБ БОРАДИГАН МАРШРУТ
Самолетга билетингиз бўлса шу куни ҳамма ишни аниқ, ўз вақтида қиласиз ва кечикмай аэропортга борасиз. Акс ҳолда, кечикасиз. Режалаштириш шунга ўхшайди. Мақсаддан келиб чиқиб кунингизни режалаштирасиз, режангиз кераксиз ишларга чалғишдан асрайди.
Ҳисобот эса – ўзингиз ва ёнингиздагиларга нақадар мўлжалга ураётганингизни кўрсатиб туради ва чалғиган вақтингизда йўналишни тўғирлаб олишга ёрдам беради. Натижада янада аниқроқ ҳаракат қилиб, мақсадга тезроқ эришасиз!
Хулоса: Биз бу воизликда тўхтаб қолиш сабаблари, ҳаракат қилиш учун йўналиш, чанқоқлик, масъулиятлилик, шогирдчиликнинг аҳамияти, муваффақиятли хизмат қилишимиз учун ёрдам берадиган омилларни кўриб чиқдик. Агар буларни қўлласак, хизматимиз янги даражага кўтарилади.
Ибодат: ХУдойим, дуо қил, ибодатда сезгир бўлайлик, токи шайтон тушкунлик руҳи билан бизни фалажлаб қўймасин. Хизматда масъулиятли бўлайлик, Сенинг содиқ шогирдинг бўлиб, оиламиз ва жамоатимизни шогирдинг қила олайлик. Олға қадам босим, серҳосил бўлайлик ва кўпаяйлик. ИСо Масиҳ номи билан: Омин.
ЧЎПОНЛИК ХИЗМАТИ
Кириш: Бу мақолада биз чўпон атамасининг маъноси ҳақида суҳбатлашамиз, Масиҳнинг чўпоннинг тимсоли сифатида ҳамда замонавий чўпон суратини кўздан кечирамиз; шунингдек, чўпоннинг хулқ-атвори қандай бўлиши лозимлиги ҳамда вазифаларига тўхталиб ўтамиз.
1.ЧЎПОН АТАМАСИНИНГ КЕЛИБ ЧИҚИШИ
Чўпон атамасини – халқини бошқарувчиларни номлаш учун Худонинг Ўзи Сўзи орқали берган. Чўпон бу қўйларга ғамхўрлик қилувчи, уларни ҳимоя қилувчи, яхши яйловларга етакловчи одамдир. Худонинг Ўзи Чўпонлик вазифасини олган(Йез.34:15-16) ва халқини бошқарадиганлар ҳам айнан уларга ғамхўрлик қилувчилар бўлишлари лозимлигига урғу бериб, бу вазифани бажарувчиларни чўпон деб атаган. Йермияҳ 3:15. Мен сизларга кўнглимдагидек чўпонларни бераман, улар сизларни билим ва идрок билан боқадилар. Эфесликларга 4:11.У баъзиларни ҳаворийлар, баъзиларни пайғамбарлар, баъзиларни хушхабарчилар, баъзиларни чўпонлар ва муаллимлар қилиб тайинлади,
12 токи Масиҳнинг танасини барпо этишга хизмат қилишлари учун муқаддасларни камолотга эриштирсинлар (Яна қаранг: 2Шом.5:2; Йер.3:15; Йер.23:4; Йез.34:23).
Чўпон бўлишга ҳаракат қилган хизматчи яхши нарсани истаган бўлади(1Тимотий3:1), ХУдога севгисини амалда кўрсатишга бел боғлаган(Юҳанно 21:15-17) ва Худонинг чўпонлик қиррасини намоён қилиб(Сан.22-боб), ҳаёти ва хизмати орқали Худони улуғлашни истаган бўлади(Юҳ.17:4). Фақат ҳар жиддий иш каби чўпонлик ҳам маълум фазилатлар ва уқувларни ривожлантиришни талаб қилади. Шунда Худойимиз биносининг қурувчиси сифатида ҳаётимизни абадий ишга бағишлаган бўламиз ва Отамиздан мукофот оламиз!
2.ЧЎПОННИНГ СУРАТИ
Чўпон сифатида бизларга Масиҳ асосий намунадир. Қуйида биз Масиҳнинг чўпонлиги намунасини кўриб чиқамиз. Масиҳ қандай чўпонлик қилган?
Бизнинг хизматимиз ҳам асосан шундан иборат бўлиши, қолган ишлар ёрдамчи бўлиши лозим.
Замонавий чўпон қандай бўлиши керак деганда, менинг кўз олдимга шундай одам келади:
3.ЧЎПОННИНГ ХУЛҚ-АТВОРИ
Масъул хизматчиларнинг хулқ атвори қандай бўлиши лозимлиги ҳақида 1-Тимотий 3бобда батафсил баён этилган. (Шунингдек Титус 1-бобни қаранг).
| № | ҚАНДАЙ БЎЛИШЛАРИ КЕРАК? | |
| 1 | Бенуқсон (2) | |
| 2 | Битта хотиннинг эри(2,12) | |
| 3 | Ҳушёр (2) | |
| 4 | Ақли соғлом(2) | |
| 5 | Одобли(2) | |
| 6 | Меҳмондўст(2) | |
| 7 | Таълим беришга қобилиятли(2) | |
| 8 | Мулойим(3) | |
| 9 | Ўз хонадонини яхши бошқарадиган(4,12) | |
| 10 | Фарзандларини бутун обрўйи билан итоатда сақлайдиган киши(4) | |
| 11 | Ташқаридагилардан ҳам яхши гувоҳликка эга(7). | |
| 12 | Обрўли(8). | |
| 13 | Беғараз(8). | |
| 14 | Имон сирини пок виждонда сақлай оладиган(9). | |
| Хотинлари ҳам: | ||
| 15 | Обрўли(11). | |
| 16 | Ҳамма нарсада садоқатли(11). | |
| 17 | Туҳмат қилмайдиган(11). | |
| ҚАНДАЙ БЎЛМАСЛИКЛАРИ КЕРАК? | ||
| 18 | Майхўр эмас(3) | |
| 19 | Урушқоқ эмас(3) | |
| 20 | Ғаразгўй эмас(3) | |
| 21 | Жанжалкаш эмас(3) | |
| 22 | Пулпараст бўлмаган(3) | |
| 23 | Эндигина имонга келганлардан бўлмаслиги керак(6) | |
| 24 | Иккиюзламачи бўлмаган(8). |
Ҳозир сиз шу рўйхатни олиб, ўзингизни таҳлил қилинг. Қандай фазилатлар сизда бор, қайсиларини ривожлантириш керак? Борлари қаршисига плюс белгисини қўйинг, йўқларига минус қўйиб, шунинг устида ишлай бошланг.
Бу аввало, Худо белгилаган хизматчи стандартига тўғри келишингизга ёрдам берса, бошқа жиҳатдан, ҳар кучли жиҳатимиз хизматга ёрдам берганидек, заиф жиҳатимиз бир куни қайсидир соҳада панд беради. Шу учун хизмат йўлига киришдек жиддий ишга қарор қилдикми, аввало хулқ-атвор устида Муқаддас РУҳ кучи билан ишлаш лозим.
4.ЧЎПОННИНГ ВАЗИФАЛАРИ
Масиҳ хизмати орқали чўпоннинг асосий вазифалари Худонинг халқига ғамхўрлик қилиш, бу учун хушхабарчилик, шогирдчилик, хизматчилик билан шуғулланиш ҳамда қўл остидагиларни шу хизматларни бажаришга ўргатиш эканини кўриб чиқдик. Қуйидаги фаолиятлар бу нарсаларда муваффақиятли бўлишда ёрдам беради.
1)Сўз ўрганиш, бажариш ва ибодат орқали Муқаддас Руҳга тўла бўлиб юриш. Чунки Раббийсиз ҳеч нима қила олмаймиз. Юҳ.15:5. Мен токман сизлар эса новдасизлар. Ким Менда жо бўлиб ва Мен унда жо бўлсам, у кўп ҳосил келтиради, чунки Менсиз ҳеч нарса қила олмайсизлар.
2)Ўзига нисбатан, жамоатга нисбатан Худонинг иродасини билиб, жамоатни шу мақсад сари етаклаш. Ҳикматлар 4:26-27.Оёқларинг юрадиган йўлни пухта ўйла ва барча йўлларинг мустаҳкам бўлсин,
27.ўнгга ҳам, чапга ҳам ўгирилмагин; оёқларингни ёвузликдан йироқ қилгин.
Фақат моҳир, мойланган чўпонларгина жамоат мақсадига эга бўлиб, уни ҳар бир жамоат аъзосига етказа олади ва уларни мақсад сари ҳаракат қилдира олади. Аксарият ҳолатларда, жамоат мақсадини чўпоннинг ўзи ва 4,5 фаол хизматчилар билишади ва бажаришга ҳаракат қилишади. Қолганлар шунчаки эшитувчи бўлишади. Лекин жамоат мақсадига эга бўлиш ва уни ҳар бир жамоат аъзосига етказа олиш, уларни шу йўналишда ҳаракат қилдириш – катта оқим келтириб чиқаради ва катта ижобий натижаларга олиб келади. Мусонинг одамлари унинг мақсадини билишса-да, эргашмадилар, шу учун саҳрода қирилиб кетдилар.
Йешуанинг одамлари эса мақсад атрофида бирлашдилар ва ваъда қилинган ерга кира олдилар.
Масиҳнинг шогирдлари Унинг мақсадини қабул қилдилар ва Ёзувда айтилганидек Шоҳлик таълимоти билан ҳамма жойни тўлдирдилар.
Рик Воррен айтишича, жамоат мақсади ҳар бир киши тушуна оладидган даражада оддий, иложи бўлса кўргазмали бўлиши лозим. Масалан, бизнинг жамоатимиз мақсади: Буюк Амр ва БУюк Топшириқни бажариб яшаш. Унинг тимсоли: Учаётган бургут.
Бунинг маъноси: бургутнинг танаси: Имонлининг руҳи, жони танаси. Бургут уча олиши учун ўсиши ва соғлом бўлиши лозим. Демак, имонли парвоз қила олиши учун руҳ, жон, танада ўсиши ва соғлом бўлиши лозим.
Ўнг қаноти – Ёзув ўрганиш, бажариб яшаш, ибодат, ҳамду-сано орқали Худо билан муносабат қуриш.
Чап қаноти – хушхабарчилик, шогирдчилик, етакчилик билан Худога хизмат қилиш. Имонли кўкларга кўтарилишни исташи мумкин, лекин ўсмаса ва соғлом бўлмаса кўтарила олмайди. Парвоз қилишни исташи мумкин, лекин Худо билан муносабати бўлмаса, ёки хизмат қилмаса бир қанотни қоқиб ердан кўтарила олмайди. Парвоз қилиш учун ҳаммасини қилиш лозим. Сиз ҳам жамоат мақсадини билиб, бу мақсадни ҳар бир жамоат аъзосига етказиб, ҳаракатга рағбатлантиришингиз лозим бўлади. Ўшанда кўплар ҳаракатда келиб, кўплар барака оладилар ва натижадан ҳамма қувонади!
3)Иложи борича масиҳийликни содда тушунтириш.
Агар одамларга қийин нарсани содда тушунтирсак, улар бажарадилар ва муваффақиятли бўладилар; агар оддий нарсани қийин тушунтирсак одамлар тушунмайдилар ва бажармайдилар. Ҳамма нарсани: Масиҳийликни, хушхабарчиликни, шогирдчиликни, хизматчиликни, жамоат, чўпонликни содда ва мураккаб қилиб кўрсатиш мумкин. Масалан: Сизда минг кишилик жамоат кўтариш иқтидори бор. Сиздеклар кам. Шу учун одамларингизга 30кишилик жамоат кўтариш минимал талаблар: 1)Доимий сўз атрофида учрашувлар, 2)Хизматчилар командаси, 3)Жамоатнинг 10 вазифасини ривожлантириш, 4)Ўсиш ва кўпайишни истаган камида 10одам бўлиши деб тушунтирсангиз, 1000кишингиздан ҳеч қурса 10нафари мустақил жамоат кўтаришни орзу қилар ва сизнинг бошқарувингиз остида ўз жамоатини руҳий ўстириш ва ноҳиясини хушхабар билан қамрашни бўйин олар. Шунда сиз 10нафар хизматчи ўрнига яна ўн нафар шогирд олишингиз, улар эса сизга камида 100нафар янги шогирд келтиришлари мумкин.
АСОСИЙ ВАЗИФАЛАР:
1)ХУШХАБАРЧИЛИК. Марка 1:38. У эса уларга: –Яқин атрофдаги қишлоғу шаҳарларга борайлик, Мен у ерларда ҳам воизлик қилайин, чунки Мен ана шу учун келганман, – деди.
Чўпон ҳам ўзи хушхабарчилик қилиш, ҳам жамоати аъзоларига хушхабарчиликни ўргатиши лозим. Чўпон хушхабарчилик билан шуғулланмаган ё фақат жамоат аъзоларига хушхабарчиликни юклаган жамоатларда одатда жамоат аъзолари ҳам хушхабарчилик билан шуғулланишмайди. Биз ўзимиз нима истак билан ёнсак, шу истакнигина ўтказа оламиз!
ХУШХАБАРЧИЛИКДА ЁРДАМ БЕРАДИГАН ВОСИТАЛАР:
А)ИБОДАТ СТРАТЕГИЯСИ
Хушхабарчиликда кўпчилик қўллаётган йўл ҳозир Ибодат стратегияси юритиш ва одамларга Инсоният тарихини айтиб беришдир. Ибодат стратегиясида ибодат билан амалга ошириладиган бир неча қадам мавжуд:
1)Кимларга хушхабар айтишини исташини Худодан сўраш ва юрагига келган одамларнинг исмларини рўйхат қилиб ёзиш.
2)Улар учун 1ҳафта давомида ибодат қилиш ва рўза тутиш, Худодан қачон, нима дейиши лозимлигини очишини, йўналтиришини сўраш.
3)1ҳафтадан сўнг илк бора суҳбатлашишга бориш лозим ё қўнғироқ қилиш лозим.
4)Бу қадам қўйилгач, рўйхатга борилган одамлар қаршисига +белгиси қўйилади ва ибодат қилишда давом этилади.
5)Яна бир ҳафта уларнинг қалбларида Худо ишлашини сўраб ибодат қилингач, яна борилади ё қўнғироқ қилинади. БУ дафъа Худо ҳақида гапириб кўрилади. Бирор муҳтожлиги учун ибодат қилишни ва Ёзувдан маслаҳатни тавсия қилиш мумкин. Агар Худога очиқ бўлса Инсоният тарихини ўтиш таклиф қилинади. Бу одам Худони излаётган одам бўлса жон деб кўнади. Агар Худога ёпиқ бўлса, у учун ибодат қилиб, бошқа очиқларни топишга вақтни сарфлаш мумкин. Ҳар биримиз ўртача 30000-50000одам истиқомат қиладиган жойларда яшаймиз. Ҳар биримиз ўз жойимда ҳар бир киши хушхабарни эшитиши учун мен масъулман деган дунёқараш билан яшаб, хизмат қилсак, одамларнинг хушхабарга бефарқлиги бизларни тўхтата олмайди, ёпиқларга вақт сарфлаб ўтирмаймиз, балки сортировщик каби ўз ишимизни пухта бажариб, еримизда бирор киши Хушхабарни эшитмагани учунгина дўзахга кетишига йўл қўймаймиз.
Б)ИНСОНИЯТ ТАРИХИ
Албатта, бизлар Худо йўналтирган вақтда хушхабар айтишимиз мумкин. Лекин асосан одамларга инсоният тарихини айтиш билан бошласак 2устунликка эга бўламиз:
1)Одамлар Муқаддас Китоб орқали инсоният тарихини билиб, имонлари пойдеворига эга бўладилар.
2)Худонинг Сўзи уруғ бўлиб, юракларини тўлдиради ва пайти келганида юқоридан туғилади.
(Инсоният тарихи материали “Худони изловчилар учун” рукнида берилган. Ҳар учрашганда бир дарсдан ўтиш мумкин).
2)ШОГИРДЧИЛИК
Бир жиҳатдан шогирдчилик бутун ҳаётимизни қамраб олса-да Масиҳнинг шогирди бўлиш учун нималар қилиш кераклигини билиш ва бажариш қийин эмас. Бизнинг ўзимиз буни тушунтиришни қийинлаштирмасак бас.
1.Масиҳнинг шогирди – Буюк Амрни ва Буюк Топшириқни бажариб яшашга қарор қилган одамдир. Буни амалга оширишга ёрдам берадиган фаолиятлар шогирдчилик ДНКси деб аталган. ДНК – бу бирор мавжудотнинг ирсий маълумотларини ўзида сақловчи ва авлоддан авлодга ўтказувчи оқсил ҳисобланади. ДНК шарофати билан ўсимликдан ўсимлик, ҳайвондан ҳайвон, одамдан одам туғилади. Шунингдек, ДНК туфайли одамнинг қобилиятлари ва касалликлари наслига ўтади. Бизнинг вазифамиз – ўзимиз Масиҳнинг номига эмас, ҳақиқий шогирди бўлишимиз ва бу ДНКни шогирдларимизга ўтказишдир.
ШОГИРДЧИЛИКДА МУВАФФАҚИЯТЛИ БЎЛИШИМИЗГА ЁРДАМ БЕРАДИГАН ВОСИТАЛАР:
А)ШОГИРДЧИЛИК ДНКСИ
1.Ибодатга тўла ҳаёт.
2.Ёзувни мунтазам, мустақил ўрганиш.
3. Зудлик билан бажариш.
4.Доим шогирд орттиришга йўналганлик.
5.Ҳисобдорлик.
Шогирдчилик ДНКсининг аҳамияти:
1)Ибодатга тўла ҳаётга йўналтириб, одамни Худо билан боғлаб қўямиз. Бунга шахсий муносабатлар, шафоат, руҳий жанг ва б.ибодатлар киради.
2)Ёзувни мунтазам ва мустақил ўрганишга урғу бериб, одамни Худонинг Сўзига боғлаймиз, айнан Сўзни ҳар куни ўрганиб, бажарадиганларга Худо муваффақият, донолик(Йешуа 1:8), узоқ умр, ер, кўпайиш(Қонунлар 8:1) ваъда берган.
3)Урғу билим олишга эмас, бажаришга. Чунки бажарувчиларга ХУдонинг баракалари ваъда берилган.
4)Доим шогирд орттиришга йўналганлик – дунёда одамлар оила қуриб, насл қолдиришни исташининг сабаби оила орқали бу қадрият ўтказилишидир. Агар бизлар руҳий фарзандларимизга руҳий насл қолдириш муҳимлигини тушунтира ва ўтказа олсак – улар руҳий бепушт ва ҳосилсиз бўлмайдилар, аксинча, кўпайиб, серҳосил бўлиб ерни тўлдирадилар.
5)Ҳисобдорлик. Муваффақият учун бирга қувониб янада ҳаракат қилишга руҳлантиришга, заиф жойларини кўриб, ибодат қилишга, чиқиш йўли кўрсатишга ёрдам беради.
Б)ШАХСИЙ ШОГИРДЧИЛИК ДАСТУРИ
1)Масиҳийлик эътиқоди нима?
2)Шогирд қалбига эга бўлиш.
3)Ёзувни ўрганиш ва бажариб яшаш.
4)Худони излаш ибодати
5)Шогирдлар учрашувининг муҳимлиги
6)Руҳий жанг.
7)Шогирдчиликда кейинги қадам.
8)Хизматни нимадан бошлаш керак?
Шахсий шогирдчилик дастури – шогирддан амалий, руҳий машғулотларни бажарадиган шогирд кўтаришга йўналтирилган. Масиҳийлик эътиқоди нима мавзуида шогирд масиҳийлик асоси, талаблари ва б.билан танишади. Шогирд қалбига эга бўлиш мавзуида шогирд сифатида ўзида қандай фазилатларни ривожлантириш лозимлигини билиб олади. Ёзувни ўрганиш ва бажариб яшашда шуларни ва бундан оладиган баракаларни ўрганса, ХУдони излаш ибодатида Худо одамзодни яратишидан мақсади Худони излаши эканлигини билиб олади ва буни амалга ошириш намунаси билан танишади. Шогирдлар учрашуви муҳимлиги мавзуида бунинг камида тўрт сабабини ўрганади, руҳий жангда эса имонига ҳужум қиладиган шайтонга қарши туришни ўрганади. Сўнгги 2дарс хизматга йўналтирувчи дарслар ҳисобланади.
В) МАСИҲИЙЛИК ТАЪЛИМОТИ АСОСЛАРИ
Ҳар бир имонли Масиҳийлик таълимоти асосларини билиши мақсадга мувофиқдир. Бу унга имони пойдеворида мустаҳкаланишига ёрдам беради, бундай имонлини авраш осон бўлмайди. Шу учун ҳар бир чўпоннинг вазифаси ўз қарамоғидаги одамларга масиҳийлик таълимоти асосларини ўргатишдир . Бу 30мавзуни ўз ичига олган дастур бўлиб, сиз уни “Шогирдлар учун” рукнидан топишингиз мумкин.
3)ХИЗМАТЧИЛИК
Чўпоннинг қўл остидагиларига нисбатан қиладиган ишларидан бири – уларга ғамхўрлик, юпатиш, йўналтириш ва бошқалар билан хизмат қилиш билан бирга уларни ҳам хизматга тайёрлашдир. Бу ишда унга бошқа дастурлар билан биргаликда “Ким руҳий етакчи бўла олади”, дастури ёрдам бериши мумкин. “Ким руҳий етакчи бўла олади?” дастурини сиз сайтимизнинг “Хизматчилар учун” рукнидан олишингиз мумкин.
Хулоса: Чўпонлик хизмати ҳам имтиёз, ҳам масъулиятдир. Агар чўпон жамоатни ҳам боқиш, ҳам ўстириш ва кўпайтириш масъулиятини олса, одамлар ўсиб, даъватларига кириб муваффақиятли бўладилар. Бундан чўпон ҳам, имонлилар ҳам хурсанд бўладилар. Шу учун бизлар ХУдо истаганидек доно чўпонлар бўлишга ҳаракат қилишимиз лозим, токи бу орқали ХУдонинг Шоҳлиги кенгайсин ва ҳосиллари абадиятда қолсин.
ДУНЁНИ СЕВМАНГ
Кириш: Мен кўплаб руҳий уйғонишларни кўриб чиқдим. Ҳаммасини бирлаштириб турадиган нарса одамларнинг ўзларини ХУдога: Худони излашга, руҳий машғулотлар ва хизматга бағишлаганлари эканини кўрдим.
Хўш, Худога бағишланиш руҳий уйғониш калити экан, нима учун кўпчилик ўзларини бунга бағишламайди?
1.Раббийни ё дунёни севиш
Афсуски, азизлар, бугунги кунларда масиҳийларда ўзини дунёни севишдан тийиш кам.
Келинг, аслида масиҳий қанақа бўлиши лозимлигини ёдга оламиз:
1)Аввало Худонинг Шоҳлигини излайди.
Матто 6:33. Сизлар аввало Худонинг Шоҳлиги ва унинг ҳақлигини изланглар, буларнинг ҳаммаси эса сизларга қўшиб берилади.
2)Егулик ва кийгуликка эга бўлиб, қониқади.
1Тимотий 6:6-14. 6. Художўйлик эса қаноат билан бирга буюк даромаддир.
7 Чунки биз бу дунёга ҳеч нарса олиб келмадик, ундан ҳеч нарса олиб кета олмаслигимиз ҳам аниқдир.
8 Шунинг учун озиқ-овқат ва кийим-кечакка эга бўлсак, шу билан қаноатланайлик.
9 Бой бўлишни истаганлар эса васвасага, тузоққа ҳамда одамларни вайроналикка ва ҳалокатга ботирадиган кўп фаросатсиз, зарарли ҳирсларга йўлиқадилар.
10 Чунки ҳамма ёвузликларнинг томири – пулпарастликдир. Баъзилар бунга берилиб, имондан оғиб кетдилар ва ўз-ўзларини кўп азобларга дучор қилдилар.
11 Сен эса, эй, Худонинг одами, булардан қочгин, аксинча, ҳақлик, художўйлик, имон, севги, сабр-тоқат ва мулойимликнинг пайидан бўлгин.
12 Имоннинг яхши жанги билан жанг қилгин. Абадий ҳаётни ушлаб тургин, чунки сен шунга даъват этилгансан ва яхши эътирофни кўп гувоҳлар олдида эътироф этгансан.
13 Ҳамма нарсага ҳаёт берувчи Худонинг олдида ва Понтий Пилат ҳузурида яхши эътироф билан гувоҳлик берган Исо Масиҳнинг олдида сенга буюраман:
14 Бизнинг Раббимиз Исо Масиҳ зоҳир бўлгунича, амрни бенуқсон ва беғубор сақлагин.
Парчани таҳлил қилиш:
1)Художўйлик ва қаноатлилик – буюк бойлик.
Художўйлик нима? Худони билиш ва Сўзи билан яшаш, ўзини гуноҳдан тийин ва бева, етимларга ёрдам бериш.
Қаноатлилик – фақат егулик ва кийимга қаноатланиш.
2)Бой бўлишни истаганлар васвасага тушадилар.
3)Ҳамма ёвузликнинг илдизи – пулпарастликдир!
4)Баъзилар бунга берилиб имондан оғдилар.
5)Худонинг одами пулпарастликдан қочиши керак.
6)Аксинча ҳақлик, художўйлик, имон, севги, сабр-тоқат ва мулойимлик пайидан бўлиш лозим.
7)Имон жанги билан жанг қилиш лозим.
8)Абадий ҳаётни тутиб туриш лозим.
9)Масиҳ келгунича амрни бенуқсон ва беғубор сақлагин. Буюк амр ва Буюк Топшириқ.
2. Худо ва дунё рақиб
Ҳозирги масиҳийлар шунақами? Афсуски, ҳар бир жамоатда бундайлар 1,2та учрайди, қолганларимиз Раббийдан кўра кўпроқ дунёни севамиз. Дунёвийлардек яхши яшаш, яхши кийиниш ва бошқа нарсалар бизларда биринчи ўринда туради.
1)Худонинг Сўзи дунё Худонинг 1-рақиби эканини айтади. Ёқуб 4:4-10.
4 Зинокорлар ва фоҳишалар! Дунё билан дўстлик – Худога душманлик эканлигини билмайсизларми?! Шундай қилиб, ким дунё билан дўст бўлишни хоҳласа, у Худога душман бўлади.
5 Наҳотки сизлар Ёзувда: “Бизнинг ичимизда яшаётган Руҳ рашк қадар севади”, – дейилгани бекор деб ўйласангиз?
6 Лекин У янада кўпроқ иноят ато қилади. Шунинг учун айтилган: “Худо мағрурларга қарши туради, лекин камтарларга иноят ато этади”.
7 Шунинг учун Худога бўйсунинглар, иблисга қарши туринглар ва у сизлардан қочиб кетади.
8 Худога яқинлашинглар ва У сизларга яқинлашади. Эй, гуноҳкорлар, қўлларингизни тозаланглар! Эй, фикрида иккиланаётганлар, юракларингизни покланглар!
9 Қайғуринглар, йиғланглар ва нола қилинглар! Кулгингиз йиғига, қувончингиз маъюсликка айлансин.
10 Раббий олдида камтар бўлинглар ва У сизларни юксалтиради.
2)Худонинг Сўзи баъзилар дунёни севиб Худонинг хизматини ташлаб кетганини айтади. 2-Тимотий 4:9-11. Менинг олдимга тезроқ келишга ҳаракат қилгин.
10.Чунки Димас бу дунёни севиб қолиб, мени тарк этди ва Фессалоника шаҳрига кетди. Крискен Галатияга, Титус Далматияга кетди. 11.
Ёнимда эса фақат Луқо бор. Маркни ўзинг билан бирга олиб келгин, чунки у менга хизмат учун керак.
3) Худонинг Сўзи дунёни севманглар, деб огоҳлантиради. 1Юҳанно 2:15-17. Дунёни ҳамда дунёдаги нарсаларни севманглар. Кимки дунёни севса, унда Отанинг севгиси йўқдир.
16. Чунки дунёда бор бўлган ҳамма нарса – тананинг ҳирси, кўзнинг ҳирси ва турмуш тарзидан мағрурланиш Отадан эмас, балки шу дунёдандир. 17.
Дунё ҳам, унинг ҳирси ҳам ўтиб кетади, лекин Худонинг иродасини бажарадиган киши абадий яшайди.
3.Энг яхши ҳимоя бу ҳужумдир
Руҳий жиҳатдан қараганда ҳам, жисмоний жиҳатдан қараганда ҳам бизлар руҳан, ақлан ўсиб атрофдагиларга таъсир қиладиган масиҳийларга айлансак ўзимизга фойда.
Руҳий жиҳатдан: Агар руҳий жанг қилиб юрсак, ёвуз руҳлар территориямизга яқинлаша олмайди, бизларга зарар етказмайди ва одамлар хушхабарга тезроқ очилади. Биз маҳсулдор хизмат қиламиз ва эртага ҳосиллар, мукофотлар оламиз.
Жисмоний жиҳатдан: Биз шундай жойда яшаймизки, номига масиҳий бўла олмаймиз. Агар биз таъсир қилиб, атрофимизни ўзгартирмасак, эрта атрофимиз бизни ўзгартиришга ҳаракат қилади. Бугун хушхабарчилик учун жон койитмасак, эртага улар бизнинг танамизга озор беради.
Биз йиллаб қурган уйимизни жоҳиллар бир лаҳзада бузишларини кўришни истамасак, биз руҳий меҳнат қилишимиз керак: руҳий уйғониш келиши учун ҳар куни соатлаб ибодат қилишимиз, ҳамду-сано куйлашимиз, Худонинг сўзини эълон қилишимиз керак.
Хулоса: Доно одам дунёни севишдан ўзини тияди, Раббийга ўзини бағишлайди, Раббий учун яшайди, ҳар куни Худо Шоҳлигини яқинлаштириш учун нимадир қилади. Ёвуз руҳларга қарши курашиб, хушхабар айтиб, одамларни нажотга келтириб яшайди.
Ибодат: Раббий, дуо қилгин, бизлар дунёни севмайлик, Худони севайлик. Худони, Унинг иродасини билиш учун руҳий машғулотларда нарх тўлайлик. Худо нима учун яратганини билиб, даъватимизга кириб, Раббийнинг ҳамкори бўлиш имтиёзидан фойдаланайлик, Раббий учун буюк ишлар қилиб, Раббийнинг буюклигини намоён қилайлик. Исо Масиҳ номи билан: Омин.
РУХШОНА ИНОЯТ
05.07.21.
МУҚАДДАС РУҲ ҚУЙИЛИШИ ВА КУЧ-ҚУДРАТИ ТЎЛДИРИШИ ВАЪДАСИ
04.07.Ҳаворийлар 1-боб. Ўқидим. 4.Сўнгра уларни йиғиб, уларга буюрди: -Йерусалимдан кетиб қолманглар, лекин Мендан эшитганларинг, Отам ваъда қилганни кутиб туринглар. 5.Зеро Яҳё сувга чўмдирган эди, аммо сизлар бир неча кундан кейин Муқаддас Руҳга чўмдириласизлар. 8.Аммо Муқаддас Руҳ сизларнинг устиларингизга тушиб келганида, сизлар куч-қудрат оласизлар ва Йерусалимда, бутун Яҳудияда, Самарияда ҳамда ернинг ҳудудларигача Менинг гувоҳларим бўласизлар. 13.Улар келиб, болохонага чиқдилар. Шундай қилиб, Петьор, Ёқуб, Юҳанно ва Андер, Филип ва Томаҳ, Бартолмей ва Матто, Алфей ўғли Ёқуб, Зилот Шимон ва Ёқуб ўғли Яҳудо ўша ерда эдилар. 14.Уларнинг ҳаммалари бир неча аёллар ва Исонинг онаси Марям ҳамда Унинг укалари билан якдилликда тинимсиз ибодату илтижолар қилар эдилар.
Нима билдим? Худо ҳақида: 1)Масиҳ Муқаддас Руҳни кутинглар, деди(4). 2)Муқаддас Руҳга чўмасизлар, деди(5). 3)Муқаддас Руҳ келганда куч-қудрат оласизлар ва Йерусалимда, бутун Яҳудияда, Самарияда ҳамда ернинг ҳудудларигача гувоҳларим бўласизлар, деди(8).
Одамлар ҳақида: 1)Шогирдлар болохонага йиғилдилар(13). 2)Биргаликда якдилликда тинимсиз ибодату илтижолар қилдилар(14).
Хулоса: Масиҳ Муқаддас Руҳ қуйилмагунича Йерусалимдан узоқлашманглар, деди. Биз буни Муқаддас РУҳ қудрати қуйилгунича ибодат хоналарингдан узоқлашманглар, деб қабул қилишимиз лозим. Хизмат, иш, ўқишчи? Уларни ҳам қўлдан келгунча қилиб туриш керак, асосий диққатни Худони ва Унинг қудратини излашга бериш керак. Муқаддас Руҳ қуйилганида куч-қудрат оламиз. Бу куч қудрат ҳамма жойда муваффақиятли гувоҳ бўлишимизга ёрдам беради. Шу учун агар куч-қудратда хизмат қилишни истасак, куч-қудрат қуйилгунича бир қўлимиз хизматда, бир қўлимиз ибодатда ХУдони излашда бўлиши лозим. Масиҳ вақт белгилади. Бир неча кундан сўнг, деди. Улар Муқаддас Руҳ қуйилиши ҳақида хабарни қалбларига қабул қилганларидан бир неча кундан сўнг У қуйилиши керак эди. Биз ҳам қалбимизга қабул қилганимиздан сўнг бир неча кундан кейин(йил эмас) У қуйилади. Имон билан кутишимиз керак. шогирдлар ишониб, итоат қилиб ибодатга йиғилдилар. 120дан ортиқ одам якдилликда, тинимсиз ибодат қилдилар. Биз ҳам шундай қилсак натижасини кўрамиз!!!
2қарор: 1)МУқаддас Руҳ яна қуйилиб, куч-қудратига тўлдиргунича имон билан ибодатда сўрайвераман. 2)Бу ҳақида фарзандларимга айтиб бераман.
Ибодат: Раббий, борлигингиз, Сўзингиз учун раҳмат. Дуо қилинг, бизларга ҳам яқин кунларда Муқаддас Руҳ яна бир бор қуйилсин ва бизлар куч-қудратга тўлиб, шаҳримиз, вилоятимиз, давлатимиз, ҳатто дунёнинг чеккаларигача Масиҳнинг гувоҳлари бўлайлик. Дуо қилинг, жамоат якдилликда ибодатга йиғилсин ва нарх тўласин. Ва биз буюк руҳий уйғонишни кўрайлик. Исо Масиҳ номи билан: Омин.
Сиз қандай қўллайсиз ва ким билан бўлишасиз?
Уэльсдаги руҳий уйғониш
Англиянинг Уэлс деган жойида шахтёр имонлилар оиласида Эван Робертс деган бола туғилади. 13ёшида Масиҳга имон келтиради. У Худони яхши кўради ва бошидан Худо билан жиддий муносабатларда бўлади. Бир куни воиз хизмат йиғинида:”Муқаддас Руҳ келсаю, сен бу ерда бўлмасанг, нима бўлади?”-дейди. Бу ўсмир шу сўзни маҳкам тутади. “МУқаддас РУҳ жамоатга келганида, мен жамоатда бўлишим керак”,-дейди ва ҳамма хизматларга қатнай бошлайди. Булар якшанба кунги умумий йиғин, душанба, сешанба кечки ибодат йиғинлари, чоршанба кунги Сўз ўрганиш йиғинлари бўлади.
Баъзан жамоатга бораётганида қайиқда сузиб юрган ўртоқларини кўради. Лекин у қарорини ёдга олади ва ҳар куни жамоатга қатнайди. Уни Масиҳийликнинг ҳолати қониқтирмас эди, у кўпроқ, ажойиброқ масиҳийликни истар эди ва шу учун узоқ муддатли ибодатлар қила бошлайди. Сўнгра хизматчи бўлиш учун Библия мактабига ўқишга боради.
Бу шаҳарда бир хизматчи 4йилдан буён ибодат қилаётган бўлади: Раббий, шахтёрлар орасидан маълумотсиз хизматчини кўтаргин. У ўз халқини нажотга олиб келсин ва бор шуҳрат Сенга бўлсин. У Библия мактаби устозлари ёки талабалари орасидан бўлмасан, токи билими туфайли мақтанишига сабаб бўлмасин” Эван Робертс шаҳарда Худога чанқоқ масиҳийлар йиғинларига қатнай бошлайди. Шундай йиғинлардан бирида шу хизматчи шундай ибодат қилаётганини гувоҳлик берганида юраги ёниб кетади.
Бошқа дафъа воиз: “РАббий бизни эгдирсин”, дейди, бу жумла тилида қолади ва: “РАббий, мени эгдир”,-деб юради. Бир куни ибодат хизмати вақтида шу ибодат билан баланд овозда ибодат қилади ва МУқаддас Руҳ унга қуйилади. Бу бир неча кеча давом этади. Натижада у тинчликка тўлади ва иноятни ҳис қилади. Унинг дунёқараши ўзгаради. Одамлар жонининг нажоти орзуйи бўлиб қолади!!!
У дўстига ёзади: 1)Асабийлашмайдиган бўлдим. 2)Куни билан куйлай оламан, олдин жисмоний етишмовчилик халақит берар эди. 3)Мен жуда қаттиқ одам эдим, энди миннатдорлик билдириш мен учун осон.
Бир руҳий уйғониш йиғинига бориб, хизматлар қандай ўтказилишини кўради ва ўзи ҳам Раббийга оташин хизмат қилиш ҳақида сўз айтади. У ерда эшитувчилар ёшлар бўлади.
У ҳар нарсада РАббийга итоат қила бошлайди, ҳамма нарса итоатдан бошланишини тушунади. Бир куни жамоат йиғини пайтида ваҳий кўради. Бу ваҳийда мактабидаги ёшларни кўради ва юрагида аниқ даъват эшитади: “Бориб уларни қутқаргин”. У кўнгунича бу даъват давом этади, мураббийсига айтганида, мураббийси буни Раббийдан эканини тасдиқлайди. У қишлоғига қайтади. Ибодат йиғинига қатнаб, кейин ёшларни ибодат қилиб, хушхабарчиликка даъват қилади. У буюк баракаларга олиб келадиган 4нарсани айтди:
1)Ўтган гуноҳлари учун тўлиқ кечирим олиш. Агар ўтмишингизда муаммо бўлса тўғирланг. Ҳар бир гуноҳингизни ХУдо қаршисида сидқидилдан тан олинг.
2)ҲАётингизда шубҳали нарса борми? Бўлса, уни ҳал қилиш керак. шубҳали одатларингиз бўлса улардан халос бўлинг. Агар шунбаҳи одатларингиздан кечмасангиз қалбингизда қувонч бўлмайди. Ўзидан кечиш – Масиҳийликда муҳим нарсалардан бири.
3)Муқаддас РУҳга тўлиқ ва зудлик билан итоат қилиш. Бизни нимадир ибодат қилишга руҳлантирмайди. Бу МУқаддас Руҳ. У сиздан нимани сўраса зудлик билан бажаринг. Дунё устингиздан кулиши мумкин. Сиз эса МУқаддас Руҳ қаршисида тиз чўкинг. Биров ибодат қилаётганида “жим бўл” деманг, МУқаддас РУҳга қаршилик қилманг.
4)Масиҳни шахсан ва омма олдида тан олинг.
Хизматининг 2-ҳафтасини Эван Робертс тўхтовсиз ибодат деб атаган. Эван Робертс кўпроқ ва кучлироқ баракалар олиш учун керак бўлса эрталабгача ибодат қилиш, ёриб ўтишга чорлаган. У деган: “Биз МУқаддас РУҳ қуйилади деб ўйлашимиз керак эмас, умид қилишимиз керак эмас, биз қуйилишига ишонишимиз керак! Ҳиссиёт излашимиз, тавба қилишимиз эмас, ибодат қилишимиз керак! ибодат қилишимиз, ишонишимиз ва МУқаддас Руҳ қуйилишини исташимиз керак! Ибодатимиз шундай бўлиши керак: “Исо Масиҳ ҳақи ҳозир МУқаддас РУҳингни юборгин!”
Эван Роберст Раббийдан бутун Уэльс бўйлаб 100 000киши нажотга келишини сўраган.
Ҳар бир киши Муқаддас Руҳ қуйилишини сўраб ибодат қилишни бошлашган. Йиғинлар эрталабки 3,4ларгача борган.
Ундан интервью олган журналист, тунлари кам ухлашини билганида, чарчамаяпсизми? БУ соғлигингизга ёмон таъсир қилмайдими?-деб сўрайди. Эван Робертс эса шундай жавоб беради: “Йўқ, МУқаддас РУҳ мени қўллаб-қувватламоқда. Мен 13йилдан буён Муқаддас Руҳ келишини орзу қилганман. Ахийри У келди. Мен одамзодга имонли бўлиш Қувончини етказмоқчиман!
Бу руҳий уйғониш натижасида:
1)Бутун Уэльс хушхабарни эшитиб, 100000дан ортиқ одам нажотга келган.
2)Барлар, стадионлар бўшаб қолган, чунки одамлар жамоатга қатнаган.
3)Қамоқхоналар бўшаб қолган.
4йилдан сўнг ҳам ҳиссий, ҳам жисмоний толиқиш натижасида Эван Роберст хизматни қолдиришга мажбур бўлади. Шу билан руҳий уйғониш тўхтайди, лекин ҳосили қолади. Бир неча йил ўзига келган шафоатчилик билан хизмат қилади.
Биз учун сабоқ шу бўлиши мумкинки, Эван Робертс каби жон жаҳдимиз билан Худони излаб, бағишланиб хизмат қилайлик, фақат танага дам беришни ҳам унутмайлик. ҒАйрат билан хизмат қилсак, командада ишласак, имон, итоат, муқаддасликни сақласак, соғлом яшаб, овқатланиб, дам олсак узоқ ва маҳсулдор хизматга эга бўлишимиз мумкин!!!
Рухшона Иноят.
04.07.21.