Муқаддас Руҳ Сўзнинг маъносини очишини сўраб ўқиб, қуйидаги саволларга жавоб беринг.

1)Одам Ато ва Момо Ҳаво қандай гуноҳ қилишди?

2) Одам Ато ва Момо Ҳаво яланғоч эканларини кўргач нима қилдилар? 3)Худонинг овозини эшитганида Одам Ато ва Момо Ҳаво нима қилишди?

4) Хотиннинг уруғи шайтонни нима қилишини Худо башорат қилди?

5) Итоатсизлик туфайли Одам Ато ва Момо Ҳаво нимани йўқотишди?

Ибтидо 3-боб

1. Раббий Худо яратган барча дала ҳайвонлари орасида илон энг айёри эди. Илон хотинга: –Ростдан ҳам Худо, боғдаги ҳеч бир дарахтдан еманглар, деб айтдими? – деди.

2. Хотин эса илонга деди: –Боғдаги дарахтларнинг мевасидан ея оламиз-у,

3. Худо: «Сизлар ўлмаслигингиз учун фақат боғнинг ўртасидаги дарахтнинг мевасидан еманглар ҳам, унга тегманглар ҳам»,– деди.

4. Илон эса хотинга деди: –Йўқ, аниқ ўлмайсизлар!

5. Зеро Худо биладики, ундан еган куниёқ кўзларингиз очилади, шунда сизлар худолар каби яхшилик ва ёмонликни биладиган бўласизлар.

6. Хотин дарахтнинг озиққа яхши, кўзга ёқимли ва донолик бериши учун ардоқли эканини кўриб, унинг мевасидан олиб еди. Кейин эрига ҳам берди, у ҳам еди.

7. Шунда иккаловларининг ҳам кўзлари очилиб, яланғоч эканликларини пайқадилар ва анжир баргларини бир-бирига тикиб, ўзларига белбоғлар ясадилар.

8. Сўнг улар куннинг салқинида боғда юрган Раббий Худонинг овозини эшитдилар. Шунда одам ва унинг хотини Раббийнинг юзидан қочиб, боғдаги дарахтларнинг орасида яшириндилар.

9. Раббий Худо эса одамни чақириб унга: –Қаердасан? – деди.

10. У эса: –Мен боғда овозингни эшитиб қўрқдим, чунки мен яланғочман. Шунинг учун яшириндим, – деди.

11. Худо: –Ким сенга яланғочсан, деб айтди? Мен сенга: «Ема», деб буюрган дарахтдан едингми? – деб сўради ундан.

12. Одам: –Сен менга берган хотин шу дарахт мевасидан менга берди, мен эса едим, – деди.

13. Раббий Худо хотинга: –Бу нима қилганинг? – деди. Хотин эса: –Илон мени авради ва мен едим, – деди.

14. Шунда Раббий Худо илонга деди: “Сен шундай қилганинг учун ҳамма чорвалар, барча дала ҳайвонлари орасида лаънатисан. Умринг бўйи қорнинг билан юриб тупроқ ейсан.

15. Сен билан хотин орасига, сенинг уруғинг билан унинг уруғи орасига душманлик соламан. У сенинг бошингни шикастлайди, сен эса унинг товонини чақасан”.

16. Хотинга эса: “Сенинг ҳомиладорлигингда азобларингни ўта кўпайтираман. Фарзандларингни азобда туғасан. Иштиёқинг эрингга бўлади, у эса сенинг устингдан ҳукмронлик қилади”, – деди.

17. Одамга эса деди: “Сен хотинингнинг сўзига қулоқ солганинг учун, Мен сенга: “Ема”, – деб буюрган дарахтдан еганинг учун ер юзи сен туфайли лаънатланди. Бутун умринг бўйи ундан азобланиб озиқланасан.

18. Ер сенга тикану янтоқ ўстиради, сен эса дала ўтлари билан озиқланасан.

19. Сен ўзинг олинган ерга қайтгунингча пешана теринг билан нон ейсан, чунки тупроқдирсан ва тупроққа қайтасан”.

20. Одам ўз хотинининг исмини Ҳавва қўйди, чунки у ҳамма яшовчиларнинг онаси бўлди.

21. Раббий Худо одамга ва унинг хотинига теридан кийим ясаб, уларни кийинтирди.

22. Сўнгра Раббий Худо: “Мана, одам яхшилик ва ёмонликни билиб, Бизларнинг биримиздек бўлди. Энди қўлини чўзиб, ҳаёт дарахтининг мевасидан ҳам олмасин ва уни еб, абадий яшамасин!” – деди.

23. Шундай қилиб, Раббий Худо, одамни ўзи олинган ерга ишлов бериши учун Адан боғидан чиқариб юборди.

24. У одамни ҳайдаб юборгач, ҳаёт дарахтига борадиган йўлни қўриқлаш учун Адан боғининг шарқ томонига карубни ва айланадиган алангали қилични қўйди.

Хулоса: Худонинг Сўзига шубҳаланмасдан итоат қилиш керак. Айб қилиб қўйганда тан олиш керак. Гуноҳнинг оқибати бўлишини билиб, гуноҳдан ўзини тийиш керак. Гуноҳ Худонинг шарафини, баракаси ва ҳимоясини ҳаётимиздан ўғирлайди. Шайтон одамлардан нафратланади ва гуноҳ қилдириб йўқ қилиб юборишни истайди, шу учун гуноҳ қилиб шайтонга йўл очмаслик керак. Билмай гуноҳ қилиб қўйганда, тавба қилиб, тикланиш йўлини излаш керак.

Ибодат: Раббий, борлигинг, Сўзинг учун раҳмат. Дуо қил, Сенга имон ва итоат билан яшайлик. Итоатсизлик қилиб, ҳузуринг, бараканг, ҳимоянгни йўқотмаслик. Исо Масиҳ номи билан: Омин.

ПАТРИАРХЛАР(ОТАЛАР) ИМОНИ

10 oy oldin

1.ОДАМ АТО

1.а.ОДАМ АТОГА БЕРИЛГАН ТОПШИРИҚ

Муқаддас Руҳ Сўзнинг маъносини очишини сўраб ўқиб, қуйидаги саволларга жавоб беринг.

1)Худо одамни нима учун ерда жойлаштирди?

2)Худо нимани ейишни таъқиқлади?

3)Еса нима бўлар эди?

Ибтидо 2:15-17. 15. Раббий Худо одамни олиб, Адан боғига ишлов бериш ва уни қўриқлаш учун уни ушбу ерда жойлаштирди.

16. Раббий Худо инсонга шундай амр берди: “Боғнинг ҳар бир дарахтидан бемалол еявергин.

17. Фақат яхшилик ва ёмонликни билиш дарахтидан емагин. Чунки ундан еган куниёқ аниқ ўласан”.

Саволларга жавоблар:

1)Худо ерни ишлов бериш ва қўриқлаш учун одамни ерда жойлаштирди.

2)Яхшилик билан ёмонликни билиш дарахтидан ейишни таъқиқлади.

3)Еса ўлар эди.

Хулоса: Худо одамни мақсад билан яратган. Дала онгимиз ва юрагимиз. Уларни Худонинг Сўзи билан озиқлантириб, дунё, шайтоннинг фикридан ҳимоя қилишимиз керак. Худога ишониб ва итоат қилиб, Худо таъқиқлаган ишларни қилмай яшашимиз керак. Шунда яшаймиз, бўлмаса Худодан ва баракалардан ажраламиз.

Ибодат: Раббий, борлигинг, Сўзинг учун раҳмат. Дуо қил, Сенга имон ва итоат билан яшайлик. Қил деганингни қилайлик, қилма деганингни қилмайлик. Сени ва баракаларингни йўқотмайлик. Исо Масиҳ номи билан: Омин.

«ОТАЛАР ИМОНИ» КУРСИГА КИРИШ СЎЗИ

10 oy oldin

Азизлар, болаларнинг юраги даладек гап. Агар бизлар юрагига Худонинг Сўзини эксак -эртага руҳи улғайиб ижобий ҳосиллар оламиз. Бу Худога, ота-онасига, атрофдагиларига севги, тўғрилик, хушмуомалалик, кучлилик ва ҳок. Агар болаларимизга Худонинг Сўзини экишга вақтимиз етмаса, истагимиз бўлмаса – шайтон ўзининг салбий уруғларини экади. Булар меҳрсизлик, қайсарлик, одамовилик, қўполлик, жанжалкашлик, масъулиятсизлик ва ҳок.

Агар эрта яхши ҳосил олайин десангиз, бугун болаларингиз қалбига Худонинг Сўзини экишни севинг. Бу учун вақт ажратинг, куч сарфланг. Шунда бошқалар азобда бўлган вақтда сиз роҳатда бўласиз!!!

Ҳикматлар 22:6. 6. Болани йўлининг бошида тарбия қил, шунда қариганида ҳам ундан озмайди.

Аввало, Худо фарзандимизга Унинг Сўзини ўргатишимизни амр қилган.

Қонуннинг такрорланиши 6:4-9.

4. Эшит, эй, Исроил! Бизнинг Раббий Худойимиз ―ягона Раббийдир!

5. Раббий Худойингни бутун қалбинг билан, бутун жонинг ва бутун кучинг билан севгин.

6. Мен сенга бугун амр бераётган ушбу сўзлар юрагингда бўлсин.

7. Буларни фарзандларингга уқдиргин, булар ҳақида уйингда ўтирганингда ҳам, йўлда юрганингда ҳам, ётганингда ҳам ва турганингда ҳам гапириб тургин.

8. Бу сўзларни қўлингга белги сифатида боғлаб қўйгин ва булар пешаналарингга пешанабоғдек бўлсин.

9. Бу сўзларни уйингнинг ёндорларига ва дарвозаларингга ёзиб қўйгин.

Ҳар бир мавзуни олдин ўзингиз ўқиб чиқинг, дарсга оид расм чизиш, саҳна кўриниши, ўйин тайёрланг. Шундай ўтингки, болаларга қизиқ бўлсин ва ёдида қолсин. Ҳар бир дарсни Муқаддас Руҳ мойлаши учун ибодат қилинг.

Қани, кетдик:

МУҚАДДАС КИТОБНИ ЎҚИШГА БОЛАЛАРНИ РУҲЛАНТИРИШНИНГ 6УСУЛИ

11 oy oldin

Болаларга ота-онанинг таъсири муҳим. Болалар ота-онасидан маслаҳат оладилар, кўмак оладилар. Уларнинг ҳаёти болаларга намуна. Шу учун Ёзувни ўқиб, бажариб яшашни одат қилинг.

Қуйида болаларни руҳлантиришнинг яна 6усулини тақдим қиламан.

Муқаддас Китобни бутун оилангиз билан, яъни оила даврасида ўқинг. Менинг дадам ҳар куни тушликдан сўнг 10дақиқа Ёзув ўқиб беришга вақт топар эди. Бу менинг ҳаётимга энг кучли таъсир қилган.
Кичик парчалар ўқинг. Болангизга нимани ўтмоқчи эканингизни ўйлаб кўринг. Шу мавзуга оид кичик, муҳим парчалар танланг. Кичик болаларга 1,2-боблик катта парчалар олиш уларни чарчатиши мумкин.
Болаларни савол беришга руҳлантиринг. Парча ўқиганингиздан кейин боладан нима тушундинг? Қандай қўллайсан? Нимани тушунмадинг? -деб фикрини билдиришга, савол беришга руҳлантиринг. Бола тушунса бажаради, тушунмаса йўқ.
МУқаддас Ёзувни Исо Масиҳ шахси билан боғланг. Исо Масиҳ Юҳанно 5-бобда айтган: “Сизлар Ёзувларни синчиклаб текширасизлар, чунки улар орқали сизлар абадий ҳаётга эга бўлишни ўйлайсизлар. Ёзувлар эса Мен ҳақимда гувоҳлик берадилар”. Эски Аҳд Нажоткор келишини, Янги Аҳд келганини баён қилади. Бутун Ёзув ХУдонинг юраги ва инсониятга севгисини очади.
Дарс ўтишдан олдин ўзингиз парчани ўрганинг. Болаларга тушунишга осон, аниқ, қизиқарли қилиб ўтиш учун Ёзув ўрганишга Муқаддас Руҳдан ваҳийлар сўранг, ўргангач, қандай ўргатиш устида мулоҳаза қилинг. Саволлар тузиб, жавоблар топинг.
Ёзувни ўрганиш ибодатга олиб келсин. Болалар шу ўқиган парчаларини қандай қўллашлари ҳақида қарор қилсинлар ва Раббийга ибодат қилсинлар.

Privacy Policy

31.07.2023izoh yo'q

Muqaddas Yozuv is a Free app, and is intended for use as is. This SERVICE is provided at no cost and is intended for use as is.

This page is used to inform visitors regarding our policies with the collection, use, and disclosure of Personal Information if anyone decided to use our Service.

If you choose to use our Service, then you agree to the collection and use of information in relation to this policy. The Personal Information that we collect is used for providing and improving the Service. We will not use or share your information with anyone except as described in this Privacy Policy.

Information Collection and Use

For a better experience, while using our Service, we may require you to provide us with certain personally identifiable information, including but not limited to email address, your name, or other information that you might share with us, if you choose to contact us direclty. The information that we request will be retained by us and used as described in this privacy policy.

The app does use third-party services that may collect information used to identify you.

Link to the privacy policy of third-party service providers used by the app

Log Data

We want to inform you that whenever you use our Service, in a case of an error in the app we collect data and information (through third-party products) on your phone called Log Data. This Log Data may include information such as your device Internet Protocol (“IP”) address, device name, operating system version, the configuration of the app when utilizing our Service, the time and date of your use of the Service, and other statistics.

Cookies

Cookies are files with a small amount of data that are commonly used as anonymous unique identifiers. These are sent to your browser from the websites that you visit and are stored on your device’s internal memory.

This Service does not use these “cookies” explicitly. However, the app may use third-party code and libraries that use “cookies” to collect information and improve their services. You have the option to either accept or refuse these cookies and know when a cookie is being sent to your device. If you choose to refuse our cookies, you may not be able to use some portions of this Service.

Service Providers

We may employ third-party companies and individuals due to the following reasons:

To facilitate our Service;
To provide the Service on our behalf;
To perform Service-related services; or
To assist us in analyzing how our Service is used.

We want to inform users of this Service that these third parties have access to their Personal Information. The reason is to perform the tasks assigned to them on our behalf. However, they are obligated not to disclose or use the information for any other purpose.

Security

We value your trust in providing us your Personal Information, thus we are striving to use commercially acceptable means of protecting it. But remember that no method of transmission over the internet, or method of electronic storage is 100% secure and reliable, and we cannot guarantee its absolute security.

Links to Other Sites

This Service may contain links to other sites. If you click on a third-party link, you will be directed to that site. Note that these external sites are not operated by us. Therefore, we strongly advise you to review the Privacy Policy of these websites. We have no control over and assume no responsibility for the content, privacy policies, or practices of any third-party sites or services.

Children’s Privacy

These Services do not address anyone under the age of 13. We do not knowingly collect personally identifiable information from children under 13 years of age. In the case we discover that a child under 13 has provided us with personal information, we immediately delete this from our servers. If you are a parent or guardian and you are aware that your child has provided us with personal information, please contact us so that we will be able to do the necessary actions.

Changes to This Privacy Policy

We may update our Privacy Policy from time to time. Thus, you are advised to review this page periodically for any changes. We will notify you of any changes by posting the new Privacy Policy on this page.

This policy is effective as of 2023-07-20

Contact Us

If you have any questions or suggestions about our Privacy Policy, do not hesitate to contact us at

This privacy policy page was created at privacypolicytemplate.net and modified/generated by App Privacy Policy Generator

Maxfiylik siyosati

31.07.2023izoh yo'q

Muqaddas Yozuv bepul ilova boʻlib, u avvalgidek foydalanish uchun moʻljallangan. Ushbu XIZMAT bepul taqdim etiladi va avvalgidek foydalanish uchun mo’ljallangan.

Ushbu sahifadan tashrif buyuruvchilarga shaxsiy ma’lumotlarni to’plash, foydalanish va oshkor qilish bilan bog’liq siyosatlarimiz haqida ma’lumot berish uchun foydalaniladi.

Agar siz bizning Xizmatimizdan foydalanishni tanlasangiz, siz ushbu siyosat bilan bog’liq ma’lumotlarni to’plash va ishlatishga rozilik bildirasiz. Biz to’playdigan Shaxsiy ma’lumotlar Xizmatni taqdim etish va yaxshilash uchun ishlatiladi. Ushbu Maxfiylik siyosatida tavsiflangan holatlar bundan mustasno, biz sizning ma’lumotlaringizdan foydalanmaymiz yoki hech kim bilan baham ko’rmaymiz.

Ma’lumot to’plash va foydalanish

Yaxshiroq tajribaga ega boʻlish uchun Xizmatimizdan foydalanishda biz sizdan shaxsiy maʼlumotlarni, jumladan, elektron pochta manzili, ismingiz yoki biz bilan bogʻlanishni tanlasangiz, biz bilan baham koʻrishingiz mumkin boʻlgan boshqa maʼlumotlarni taqdim etishingizni talab qilishimiz mumkin. Biz so’ragan ma’lumotlar bizda saqlanadi va ushbu maxfiylik siyosatida ta’riflanganidek foydalaniladi.

Ilova sizni shaxsingizni aniqlash uchun foydalaniladigan ma’lumotlarni to’plashi mumkin bo’lgan uchinchi tomon xizmatlaridan foydalanadi.

Ilova tomonidan foydalaniladigan uchinchi tomon xizmat koʻrsatuvchi provayderlarning maxfiylik siyosatiga havola

Google Play xizmatlari

Firebase uchun Google Analytics

Firebase Crashlytics

Jurnal ma’lumotlari

Sizga shuni maʼlum qilamizki, siz bizning Xizmatimizdan har safar foydalanganingizda, ilovada xatolik yuz bergan taqdirda, biz telefoningizdagi Log Data deb nomlangan maʼlumotlar va maʼlumotlarni (uchinchi tomon mahsulotlari orqali) yigʻamiz. Ushbu jurnal ma’lumotlari qurilmangiz Internet protokoli («IP») manzili, qurilma nomi, operatsion tizim versiyasi, Xizmatimizdan foydalanganda ilova konfiguratsiyasi, Xizmatdan foydalanish vaqti va sanasi va boshqa statistik ma’lumotlarni o’z ichiga olishi mumkin.

Cookie-fayllar

Cookie-fayllar odatda anonim noyob identifikatorlar sifatida ishlatiladigan kichik hajmdagi ma’lumotlarga ega fayllardir. Ular siz tashrif buyurgan veb-saytlardan brauzeringizga yuboriladi va qurilmangizning ichki xotirasida saqlanadi.

Ushbu Xizmat ushbu «cookie» lardan aniq foydalanmaydi. Biroq, ilova ma’lumot to’plash va xizmatlarini yaxshilash uchun «cookie» lardan foydalanadigan uchinchi tomon kodlari va kutubxonalaridan foydalanishi mumkin. Sizda ushbu cookie-fayllarni qabul qilish yoki rad etish va qurilmangizga qachon cookie yuborilayotganini bilish imkoniyati mavjud. Agar siz bizning cookie-fayllarimizdan voz kechishni tanlasangiz, ushbu Xizmatning ayrim qismlaridan foydalana olmasligingiz mumkin.

Xizmat ko’rsatuvchi provayderlar

Biz quyidagi sabablarga ko’ra uchinchi tomon kompaniyalari va jismoniy shaxslarni ishga olishimiz mumkin:

Xizmatimizni osonlashtirish uchun;

Bizning nomimizdan Xizmatni taqdim etish;

Xizmat bilan bog’liq xizmatlarni bajarish; yoki

Xizmatimizdan qanday foydalanilishini tahlil qilishda bizga yordam berish uchun.

Biz ushbu Xizmat foydalanuvchilariga ushbu uchinchi shaxslar o’zlarining shaxsiy ma’lumotlariga kirish huquqiga ega ekanligi haqida xabardor qilmoqchimiz. Sababi, ularga yuklatilgan vazifalarni bizning nomimizdan bajarish. Biroq, ular ma’lumotni oshkor qilmasliklari yoki boshqa maqsadlarda foydalanmasliklari shart.

Xavfsizlik

Biz sizning shaxsiy ma’lumotlaringizni taqdim etishga bo’lgan ishonchingizni qadrlaymiz, shuning uchun biz uni himoya qilish uchun tijorat nuqtai nazaridan maqbul vositalardan foydalanishga intilamiz. Ammo esda tutingki, Internet orqali uzatishning hech qanday usuli yoki elektron saqlash usuli 100% xavfsiz va ishonchli emas va biz uning mutlaq xavfsizligini kafolatlay olmaymiz.

Boshqa saytlarga havolalar

Ushbu xizmat boshqa saytlarga havolalarni o’z ichiga olishi mumkin. Agar siz uchinchi tomon havolasini bossangiz, siz o’sha saytga yo’naltirilasiz. E’tibor bering, bu tashqi saytlar biz tomondan boshqarilmaydi. Shuning uchun biz sizga ushbu veb-saytlarning Maxfiylik siyosatini ko’rib chiqishingizni qat’iy tavsiya qilamiz. Biz uchinchi tomon saytlari yoki xizmatlarining mazmuni, maxfiylik siyosati yoki amaliyoti ustidan hech qanday nazoratga ega emasmiz va hech qanday javobgarlikni o’z zimmamizga olmaymiz.

Bolalar Maxfiyligi

Ushbu Xizmatlar 13 yoshga to’lmagan hech kimga murojaat qilmaydi. Biz 13 yoshgacha bo’lgan bolalardan ataylab shaxsiy ma’lumotlarni yig’maymiz. Agar 13 yoshgacha bo’lgan bola bizga shaxsiy ma’lumotlarni taqdim etganini aniqlasak, uni darhol serverlarimizdan o’chirib tashlaymiz. Agar siz ota-ona yoki vasiy bo’lsangiz va farzandingiz bizga shaxsiy ma’lumotlarni taqdim etganidan xabardor bo’lsangiz, kerakli harakatlarni amalga oshirishimiz uchun biz bilan bog’laning.

Ushbu Maxfiylik siyosatiga kiritilgan o’zgartirishlar

Biz vaqti-vaqti bilan Maxfiylik siyosatimizni yangilashimiz mumkin. Shunday qilib, har qanday o’zgarishlar uchun vaqti-vaqti bilan ushbu sahifani ko’rib chiqish tavsiya etiladi. Ushbu sahifada yangi Maxfiylik siyosatini joylashtirish orqali har qanday o’zgarishlar haqida sizni xabardor qilamiz.

Ushbu siyosat 2023-07-20 dan kuchga kiradi

Biz bilan bog’lanish

Maxfiylik siyosatimiz haqida savollaringiz yoki takliflaringiz bo’lsa, biz bilan bog’lanishda ikkilanmang

Ushbu maxfiylik siyosati sahifasi privacypolicytemplate.net saytida yaratilgan va App Privacy Policy Generator tomonidan o‘zgartirilgan/hosil qilingan.

Джим Кэрри: Самое важное в жизни

06.10.2021izoh yo'q

НИКОҲ ТАРИХИ

16.09.2021izoh yo'q

Story_of_Marriage_Book_Uzbek Скачать

story_of_marriage_book_uzbek-1 Скачать

ПАЙҒАМБАРЧИЛИК ИНЪОМИ

18.07.2021izoh yo'q

Янги Аҳдда пайғамбарчилик инъоми беш хизмат инъомидан биридир. Раббий пайғамбарчилик қилишимизни рашк қилишимизни истайди. Биз бу учун ибодат қилишимиз ва Муқаддас Руҳ бошқарувида пайғамбарчилик қилишга ҳаракат қилишимиз мумкин.

Эски Аҳдда пайғамбарчилик қилиш намунаси:

2Шоҳликлар 3:15. Энди эса чанг чалувчини чақиринглар.Чанг чалувчи чангни чалаётганида, Раббийнинг қўли Элишага тегди 16.

ва у деди: ―Раббий шундай дейди: “Ушбу водийда чуқур ортидан чуқур қазинглар. 17.Зеро Раббий шундай дейди: Шамолни кўрмайсизлар, ёмғирни ҳам кўрмайсизлар, лекин бу водий сув билан тўлади, токи сизлар ва сизларнинг кичик ҳамда катта қорамолларингиз ичинглар. 17.

Зеро Раббий шундай дейди: Шамолни кўрмайсизлар, ёмғирни ҳам кўрмайсизлар, лекин бу водий сув билан тўлади, токи сизлар ва сизларнинг кичик ҳамда катта қорамолларингиз ичинглар. 18.

Лекин бу ҳам Раббийнинг нигоҳида камдир, У Моабни ҳам сизларнинг қўлларингизга топширади. 19.

Шунда сизлар барча мустаҳкамланган шаҳарларни, барча сара шаҳарларни қирғин қиласизлар, энг яхши дарахтларни кесиб ташлайсизлар, барча сув булоқларини ёпасизлар ва ернинг энг яхши далаларини тошларга тўлдирасизлар”. 20.

Эрталаб, тақдим этиш нонлари келтириладиган вақтда, бирданига Эдом йўли билан сув қуйилди ва ер сувга тўлди.

Кўриб турганимиздек, пайғамбар чолғу асбоби билан Раббийга сажда қила бошлади ва шу вақтда Муқаддас Руҳ тушиб башорат берди. Эртаси куни бу башорат амалга ошди!

Янги Аҳдда пайғамбарчилик қилиш намунаси:

Бизлар Масиҳ номи билан тўпланганимизда, Масиҳ РУҳи билан орамизда бўлади ва пайғамбарчилик сўрасак, У Муқаддас РУҳи билан бизларга сўзлайди.

1Коринфликларга 14:26. Шунинг учун биродарлар, нима қилсак экан? Сизлар тўпланганингизда, ҳар бирингизда бирор қўшиқ борми ёки таълимот, ёки тил борми, ёки ваҳий, ёки бирор талқин қилиш борми – буларнинг ҳаммаси жамоатни барпо қилиш учун бўлсин. …29.

Пайғамбарчилик қилувчилардан ҳам икки ёки уч киши гапирсин, қолганлар эса муҳокама қилсинлар. 30.

Агар ўтирганларнинг бошқасига ваҳий келса, унда биринчиси жим турсин. 31.

Чунки ҳамма таълим олиши ва юпаниши учун ҳаммангиз бирин-кетин пайғамбарчилик қилишингиз мумкин.

32. Пайғамбарчилик руҳлари эса пайғамбарчилик қилувчиларга бўйсунадилар. 33.

Чунки Худо тартибсизлик Худоси эмас, балки тинчлик Худосидир. Муқаддасларнинг ҳамма жамоатларида тартиб шундайдир.

Нима билдим?

1)Тўпланишимиз керак(26).

2)Йиғинга қуруқ қўл билан эмас, балки Раббийни излаб, Ундан руҳий инъом: қўшиқ, таълимот, тил, ваҳий, талқин қилиш олиб келиш лозим(26).

3)Бу ваҳийларни жамоатни барпо қилиш учун эълон қилишимиз керак(26).

4)Кимдир пайғамбарчилик қилиши, бошқалар муҳокама қилиши лозим29).

5)Бир-бирига ўрин бериш лозим(30).

Хулоса: Агар руҳий тайёрганлик билан тўплансак, Раббий доим ваҳийлари билан дуо қилади. Ўзимизни мақташ учун эмас, балки жамоатни барпо қилиш учун ваҳий олишга ва айтишга интилишимиз лозим.Баъзан одамлар тана истаги ёки қалб истагини пайғамбарчилик деб айта бошлайдилар, жим бўл деса, мени Муқаддас Руҳ бошқаряпти, дейишади. Шундай тартибсизликлар олди олиниши учун ҳатто Муқаддас Руҳ ҳам одамга бўйсуниши, чунки Худо тартиб Худоси экани айтилган.

Пайғамбарчилик инъомида ҳаракат қилиш учун Муқаддас РУҳ овозига сезгир ва бошқарувига бўйсунадиган, муқаддас, камтар, итоатли бўлишга ҳаракат қилишимиз керак. ўшанда Муқаддас Руҳ бизлар орқали имонлилар, жамоат, халқ ҳаётида пайғамбарчилик сўзи бера бошлайди.

Бизнинг тажрибамиз:

Бизлар йиғилганда, Муқаддас Руҳни чақириб, ибодат қилдик, ҳамду -сано куйладик. Сўнгра ҳар бир оила навбат билан ўртага чиқди. Бошқалар эса улар учун ибодат қилиб, башорат айта бошладилар. Илк бора, бу тунги ибодатда қилинганида, мен унчалик сўз ола олмаган эдим. Бу дафъа, менга ҳам бошқалар учун сўз келди. Ишончлилиги шунда эдики, мен кўнглимга келган нарсаларни билмас эдим, айтганимда эса тасдиқлашди.

1-жуфтлик. ҲАм ишлаб, ҳам хизмат қиладиган чўпонлар оиласи: Сизларнинг юракларингда Худонинг муҳри бор. шу сизларни Раббийга бағишланишда сақлайди. Сизлар ҳам ишда, ҳам хизматда ўта муваффақиятли бўлишингиз учун Раббийнинг инояти ва тинчлиги керак. сўнгра мен Раббий инояти ва тинчлиги билан тўлдириши учун ибодат қилдим.

2-жуфтлик. Чекка жойдан бағишланган чўпонлар оиласи. Сизлар ақлий жиҳатдан ўзларингни бизларга ўхшамаганингиз учун тортинар экансиз. Сизлар оддий одамсизлар, халқингиз ҳам оддий одамлар. Мураккаб ақлий хушхабарни улар тушунмайдилар, шу учун уларга оддий хушхабар айтинглар. Сизларнинг кучларинг Муқаддас Руҳга бўйсуниб, У билан ҳаракат қилишда бўлади.

Бу жуфтликдан сизларда шундай ҳиссиёт борми?-деб сўраганимда тасдиқлашди. Буни мен билмас эдим.

3-жуфтлик. Она -бола. Сизларда бахтли ва кучли бўлишингиз учун кимгадир таяниш эҳтиёжи бор экан. Раббий Унга таянишингизни истайди, шунда сиз кучли ва бахтли бўласиз.

Кейин аёл фикримни тасдиқлади.

4-жуфтлик. Ёши улуғ чўпонлар. Сизларда мен жуда кўп иш ташвиши остида қолганлик кўряпман. Ҳатто ҳаммасини қилиб улгураманми?-деган хавотирингиз ҳам бор. Раббий ҳозир сизга қувват, қувват, қувват бермоқда.

Кейин бу киши жамоатда муаммолар бўлиб, чарчаганларини айтдилар. Раббийдан қувват қабул қилдик.

5-жуфтлик. Катта жамоат чўпонлари. Мен катта дарахтни кўрдим. У соғлом, бақувват, катта, яшил эди. Лекин бор иқтидорини чиқариб бўлган эди. Бошқа ўсиш иқтидори йўқ эди. Бирдан унга янги, бир неча баргли новда пайдо бўлди. У ёш, чиройли эди, лекин ўсишга умид берар эди.

Кейин бу жуфтлик, бу жамоатларидаги ҳаракат эканини айтишди. Янги новда шогирдчиликда ҳаракат қилишни бошлаганларини билдиришини айтишди.

Бизга башорат қилишганда:

1-жуфтлик. Худонинг паноҳида яшовчи Унинг ҳимояси баракаси остида яшайди, сизлар шундайсизлар, деб 90-санони башорат қилишди.

2-жуфтлик ҳам. Атрофингизда 10минглаб қулайди, сизларга яқинлашмайди, деб шу санодан башорат қилишди.

3-жуфтлик. Сендан кўплаб халқлар кўтарилади, деган башоратни айтишди, фақат бу руҳий фарзандлар эмас, моддий фарзандларни кўряпман, деди. Яна қўшиб қўйди: Қуриётган дарахтни кўрдим. Унинг илдизлари Масиҳда томир отган эди. Масиҳ қони кўтарилиб, бу дарахтга жон берди ва кўплаб ҳосиллар пайдо бўлди.

4-жуфтлик. Юлдузнинг шуҳрати юлдузникидан фарқ қилади, деган сўз келди. Бошида эр-хотинларнинг инъомлари фарқ қилиши ҳақида гап кетяптими, деб ўйладим, кейин ўйлаб шу хулосага келдимки, Раббий сизларга фарзандлар бермоқчи…

Ҳаммамиз барпо қилиндик, куч, имон, қувончга тўлдик. Менимча, бизлар ҳам ҳаётимиздаги, хизматимиздаги вазиятларнинг ечимини топиш учун, қариндошларимиз, халқимиз қандай юқоридан туғилиши, ҳақиқатни англаши, жаннати бўлишини йўлини сўраб башорат қилишимиз керак. ўшанда Муқаддас Руҳ очиб, аниқроқ мўлжалга оламиз ва муваффақиятли бўламиз!!!

Хулоса қилиб шуни айтмоқчиманки, Эски Аҳдда ҳам, Янги Аҳдда ҳам Худонинг халқи пайғамбарчилик учун Раббийга мурожаат қилган. Раббий пайғамбарчилик сўзи берган. Баъзилар тана изми, жон изми билан башорат қилиши учун руҳий етакчи бўлмаганида бу билан шуғулланиш тавсия қилинмайди. Лекин руҳда ўсаётган, итоатда, камтарликда бўлган Масиҳийлар бирга йиғилганларида турли вазиятларга нисбатан ёки ўзлари барпо қилинишлари учун Раббийдан пайғамбарчилик сўрашлари ва юир-бирларига юракларига келган сўзни айтиб имонларини барпо қилишлари мумкин.

Ибодат: Раббий, борлигингиз, Сўзингиз учун раҳмат. Дуо қилинг. Бизларда ҳам пайғамбарчилик инъоми ишласин. Бу жамоатни, ҳар бир имонлининг имонини барпо қилсин. Пайғамбарчилик қилишда руҳ изми билан ҳаракат қилайлик ва ҳаммаси тартибли бўлсин. Исо Масиҳ номи билан: омин.

Рухшона Иноят

17.07.21.

УЙИМНИ ҚУРСАНГЛАР УЛУҒЛАНАМАН…

18.07.2021izoh yo'q

18.07.21. Ҳаггай 1-боб. Ўқидим. 2.Қўшинлар Худованди шундай дейди: Бу халқ: “Ҳали вақти келгани йўқ, ҳозир Раббийнинг Уйини қуриш вақти эмас”,-деб айтаяпти. 3.Шунда Ҳаггай пайғамбар орқали Раббийнинг Сўзи келди: 4.”Бу уй хароба бўлиб ётганида, сизларнинг ўзларингиз учун безатилган уйларингизда яшаш вақтими? 5.Шунинг учун энди Қўшинлар Худованди шундай дейди: Ўзингизнинг аввалги йўлларингизни синчиклаб кўриб чиқинглар. 6.Сизлар кўп экдингизлар, аммо кам йиғиб олдингизлар. Сизлар еяпсизлар, аммо тўймаяпсизлар. Сизлар ичяпсизлар, аммо чанқоғингиз босилмаяпти. 8.Тоққа чиқиб ёғоч ташинглар ва маъбад қуринглар. Мен эса бу уйдан рози бўламан ва улуғланаман,-дейди Раббий.

Нима билдим? Худо ҳақида: 1)Раббий халқнинг “Худонинг уйини қуриш вақти эмас”,деганини эшитган(2). 2)Раббий пайғамбари орқали жавоб берган: Менинг Уйим хароба бўлиб ётганида ўзларингнинг уйларингда яшаш вақтими (3,4). 3)Йўлларингни синчиклар кўриб чиқинглар, деди(5). 4)Тоққа чиқиб ёғоч ташинглар ва маъбад қуринглар(8). 5)Мен бу уйдан рози бўламан ва улуғланаман(8).

Одамлар ҳақида: 1)Кўп экдилар, кам ўриб олдилар; 2)едилар, аммо тўймадилар; 3)ичдилар, чанқоқлари босилмади;

Хулоса: Худонинг халқи “ҳали Худога хизмат қилиш вақти эмас”, -деб баҳона қилиб, ўзи учун яшаб юрар эди. Улар учун оиласи, боласи, иши муҳим эди. Буларни биринчи ўринда қўяр эди, Худо эса фақатгина дуо қилиши учун керак эди.

Худони излашни, Унга хизмат қилишни четга суриб қўйганлари учун Худо ҳам уларнинг устидан осмонни ёпиб қўйди. Барака бермади, шу учун чарчаб ишласалар ҳам бирлари икки бўлмади. Ҳозир ҳам бизнинг жамоатда кўпларда шу нарса кузатиляпти.

Агар Раббийга маъқул бўлай десак, аввало руҳий машғулотларни қилиб Худони излашимиз керак, кейин руҳий жамоатни кўтаришга масъулият олишимиз, ибодат қилиб хушхабарчилик, шогирдчилик, етакчилик билан шуғулланишимиз керак. Агар буларни четлаб фақат ўзимизнинг ғамимизни еб яшасак муҳтожликдан бошимиз чиқмайди. Ўзимиз учун жон куйдиргандек Раббий учун ҳам жон куйдириб меҳнат қилишимиз керак. Шунда Раббий хизматимиздан рози бўлади, улуғланади ва бизларни дуо қилади, ўшанда осмон очилиб баракалар қуйилади. Бугун кўп имонлиларнинг юраги Худонинг фош қилишига кўр бўлиб қолган. Эрта шундай бўлиб қолмаслик учун бугун ҳали уйғоқлар, ўлгунимча Раббийни излаб, Унга хизмат қилиб яшашга масъулият оламан, деб қарор қилишимиз керак ва қароримизда туришимиз керак. Ўшанда ўлгунча кимгадир керак бўламиз, бўлмаса, баракасиз, хор бўламиз.

2қарор: 1)Ҳаётим охиригача Раббийни излаб, Унга хизмат қиламан. 2)Бу ҳақида фарзандларимга айтиб бераман.

Ибодат: Раббий, борлигингиз, Сўзингиз учун раҳмат. Дуо қилинг, Сўзингиз юракларда ўз ишини амалга оширсин. Бугун қайноқлар абадий хизмат қилишга қарор қилсин. Бугун илиқлар уйғонсин. Баракасизлигининг сабабиби билиб руҳий ялқовлиги, қайсарлиги учун тавба қилсин, руҳий машғулотлар ва хизмат қилишга масъулият олсин. Дуо қилинг, жамоатимизга юрагида ўти борларни кўтаринг: болалар, ўсмирлар, ёшлар, аёллар, эркаклар орасида ҳақиқий руҳий, ақлий меҳнаткашлар кўтарилсин. Раббийнинг жамоатини кўтаришсин, Раббий рози бўлиб, улуғлансин ва баракаларини қуйсин. Исо Масиҳ номи билан: Омин.

Сиз қандай қўллайсиз ва ким билан бўлишасиз?

Newer Posts

Older Posts

XUDONI IZLOVCHILAR